ਦੋ ਕਰੋੜ ਪ੍ਰਸੰਸਕਾਂ ਨਾਲ ਚਹਿਕਿਆ ਸ਼ਾਹਰੁਖ਼ ਦਾ ਟਵਿੱਟਰ

Shahrukh-Khanਮੁੰਬਈ-ਸੁਪਰ ਸਟਾਰ ਸ਼ਾਹਰੁਖ ਖ਼ਾਨ ਨੇ ਟਵਿੱਟਰ ਉਤੇ ਆਪਣੇ ਪ੍ਰਸੰਸਕਾਂ ਦੀ ਗਿਣਤੀ ਦੋ ਕਰੋੜ ਪੁੱਜਣ ਉਤੇ ਉਨ੍ਹਾਂ ਦਾ ਧੰਨਵਾਦ ਕਰਨ ਲਈ ਇਕ ਵੀਡੀਓ ਰਿਕਾਰਡ ਕੀਤੀ। ਆਪਣੇ ਪ੍ਰਸੰਸਕਾਂ ਨੂੰ ਦਿੱਤੇ ਸੰਦੇਸ਼ ਵਿੱਚ 50 ਸਾਲਾ ਇਸ ਅਦਾਕਾਰ ਨੇ ਕਿਹਾ ਕਿ ਇਸ ਨਾਲ ਉਸ ਨੂੰ ਬਿਹਤਰ ਮਨੁੱਖ ਬਣਨ ਵਿੱਚ ਮਦਦ ਮਿਲੇਗੀ।
ਵੀਡੀਓ ਸੰਦੇਸ਼ ਵਿੱਚ ਸ਼ਾਹਰੁਖ ਨੇ ਕਿਹਾ ਕਿ ਇਹ ਪ੍ਰਸੰਸਕਾਂ ਦੀ ਗਿਣਤੀ ਦੋ ਕਰੋੜ ’ਤੇ ਪੁੱਜਣ ਲਈ ਧੰਨਵਾਦ ਨਹੀਂ ਹੈ। ਦਰਅਸਲ ਉਹ ਆਪਣੇ ਪ੍ਰਸੰਸਕਾਂ ਦਾ ਇਸ ਗੱਲੋਂ ਧੰਨਵਾਦ ਕਰਦੇ ਹਨ ਕਿ ਉਨ੍ਹਾਂ ਰੋਜ਼ਾਨਾ ਜੀਵਨ ਦੇ ਕਈ ਮਸਲਿਆਂ, ਜਿਹੜੇ ਕਦੇ ਮੈਨੂੰ ਖਿਝਾ ਦਿੰਦੇ, ਕਦੇ ਰੁਆ ਦਿੰਦੇ ਜਾਂ ਕਦੇ ਗੁੱਸਾ ਦਿਵਾ ਦਿੰਦੇ ਸਨ, ਨਾਲ ਸਿੱਝਣ ਵਿੱਚ ਮੇਰੀ ਮਦਦ ਕੀਤੀ।
ਸ਼ਾਹਰੁਖ ਨੇ ਆਪਣੇ ਪ੍ਰਸੰਸਕਾਂ ਨਾਲ ਮਿਲਣੀ ਦੀਆਂ ਕੁੱਝ ਵਿਲੱਖਣ ਘਟਨਾਵਾਂ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ ਜਦੋਂ ਕੋਈ ਪ੍ਰਸੰਸਕ ਉਨ੍ਹਾਂ ਨੂੰ ਕਰੰਸੀ ਨੋਟ ਉਤੇ ਆਟੋਗ੍ਰਾਫ਼ ਦੇਣ ਜਾਂ ਉਡਾਣ ਦੌਰਾਨ ਆਪਣੀ ਪਛਾਣ ਦੱਸਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਖਿਝ ਚੜ੍ਹਦੀ ਹੈ।

Share :

Share

rbanner1

Share