ਗੁਰੂ ਸਾਹਿਬਾਨ ਦੀਆਂ ਨਿਸ਼ਾਨੀਆਂ ਦੀ ਨਹੀਂ ਹੋ ਰਹੀ ਸਹੀ ਸਾਂਭ-ਸੰਭਾਲ

12606cd-_26KOC14ਅੰਮ੍ਰਿਤਸਰ ਦੀ ਆਬਾਦੀ ਕਿਲ੍ਹਾ ਭੰਗੀਆਂ ਵਿੱਚ ਰਹਿੰਦੇ ਬ੍ਰਾਹਮਣ ਭਾਈ ਰਾਮ ਸ਼ਰਨ ਖਿੰਦਰੀ (ਸ਼ਰਮਾ) ਦੇ ਵੰਸ਼ਜਾਂ ਕੋਲ ਸੱਤਵੇਂ ਤੇ ਦਸਵੇਂ ਪਾਤਸ਼ਾਹ ਦੀਆਂ ਅਨਮੋਲ ਨਿਸ਼ਾਨੀਆਂ ਸਾਂਭ-ਸੰਭਾਲ ਦੀ ਕਮੀ ਕਾਰਨ ਨੁਕਸਾਨੀਆਂ ਜਾ ਰਹੀਆਂ ਹਨ। ਦੱਸਣਯੋਗ ਹੈ ਕਿ ਸੱਤਵੇਂ ਪਾਤਸ਼ਾਹ ਗੁਰੂ ਹਰਿ ਰਾਇ ਜੀ ਨੇ ਸ੍ਰੀ ਕਰਤਾਰਪੁਰ ਸਾਹਿਬ (ਨਾਰੋਵਾਲ) ਦੇ ਗੁਰਦੁਆਰਾ ਟਾਹਲੀ ਸਾਹਿਬ ਦੇ ਅਸਥਾਨ ’ਤੇ ਭਾਈ ਹਰਿਆ ਖਿੰਦਰੀ ਨੂੰ ਆਪਣਾ ਬਸੰਤੀ ਰੰਗ ਦਾ ਮਲਮਲ ਦਾ ਚੋਲਾ ਤੇ ਆਸਾ ਸਾਹਿਬ (ਸੋਟਾ) ਅਤੇ ਭਾਈ ਹਰਿਆ ਦੇ ਪੁੱਤਰ ਭਾਈ ਨੱਥ ਮੱਲ ਨੂੰ ਆਨੰਦਪੁਰ ਸਾਹਿਬ ਵਿੱਚ ਦਸਵੇਂ ਪਾਤਸ਼ਾਹ ਗੁਰੂ ਗੋਬਿੰਦ ਸਿੰਘ ਜੀ ਨੇ ਆਪਣੇ ਚਰਨਾਂ ਦਾ ਜੋੜਾ ਬਖ਼ਸ਼ਿਆ ਸੀ। Continue reading “ਗੁਰੂ ਸਾਹਿਬਾਨ ਦੀਆਂ ਨਿਸ਼ਾਨੀਆਂ ਦੀ ਨਹੀਂ ਹੋ ਰਹੀ ਸਹੀ ਸਾਂਭ-ਸੰਭਾਲ”

ਐਡੀਲੇਡ ਵਿੱਚ ਨਾਟਕ ‘ਚੰਦਨ ਦੇ ਓਹਲੇ’ ਦਾ ਮੰਚਨ

ਐਡੀਲੇਡ-ਇੱਥੇ ਫੇਕ ਲਾਈਫ ਥੀਏਟਰੀਕਲ ਗਰੁੱਪ ਵੱਲੋਂ ਨਾਟਕਕਾਰ ਪਾਲੀ ਭੁਪਿੰਦਰ ਦਾ ਲਿਖਿਆ ਨਾਟਕ ‘ਚੰਦਨ ਦੇ ਓਹਲੇ’ ਡਾਇਰੈਕਟਰ ਮਹਿੰਗਾ ਸਿੰਘ ਸੰਗਰ ਦੀ ਨਿਰਦੇਸ਼ਨਾ ਵਿੱਚ ਸਟਾਰ ਥੀਏਟਰ ’ਚ ਖੇਡਿਆ ਗਿਆ।
ਇਸ ਮੌਕੇ ਸੈਵੀ ਮਹਿਤਾ ਤੇ ਹੈਰੀ ਮਹਿਤਾ ਨੇ ਪਾਣੀ ਦੀ ਸਮੱਸਿਆ ’ਤੇ ਸਕਿੱਟ ਵੀ ਪੇਸ਼ ਕੀਤੀ। ਪੰਜਾਬੀ ਗਾਇਕ ਬਾਗੀ ਭੰਗੂ ਨੇ ਨਾਟਕ ਵਿੱੱਚ ਪਿੱਠਵਰਤੀ ਗਾਇਕ ਵਜੋਂ ਆਵਾਜ਼ ਦਿੱਤੀ। ਨਾਟਕ ਦੀ ਕਹਾਣੀ ਵਿਦੇਸ਼ ਜਾਣ ਦੇ ਚਾਹਵਾਨ ਲੋਕਾਂ ਵੱਲੋਂ ਵਰਤੇ ਜਾਂਦੇ ਹੱਥਕੰਡਿਆਂ ਕਾਰਨ ਰਿਸ਼ਤਿਆਂ ਦੇ ਉਲਝਦੇ ਤਾਣੇ-ਬਾਣੇ ’ਤੇ ਅਧਾਰਿਤ ਹੈ। ਨਾਟਕ ਵਿੱਚ ਦੱਸਿਆ ਗਿਆ ਕਿ ਕਿਵੇਂ ਮਾਪੇ ਬੱਚਿਆਂ ਨੂੰ ਵਿਦੇਸ਼ ਭੇਜਣ ਲਈ ਏਜੰਟਾਂ ਦੀਆਂ ਸਾਜ਼ਿਸ਼ਾਂ ਦੇ ਸ਼ਿਕਾਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਕਈ ਵਾਰ ਯੋਗ ਵਰ ਲੱਭਣ ਦੀ ਬਜਾਏ ਆਪਣੀਆਂ ਲੜਕੀਆਂ ਦਾ ਵਿਆਹ ਵੱਡੀ ਉਮਰ ਦੇ ਐਨਆਰਆਈ ਨਾਲ ਕਰ ਦਿੰਦੇ ਹਨ। ਨਾਟਕ ਵਿੱਚ ਭਰੂਣ ਹੱਤਿਆ ਜਿਹੀਆਂ ਸਮਾਜਿਕ ਬੁਰਾਈਆਂ ’ਤੇ ਵੀ ਚੋਟ ਕੀਤੀ ਗਈ ਹੈ। ਇਸ ਨਾਟਕ ਵਿੱਚ ਕਲਾਕਾਰ ਰੀਤ ਗਿੱਲ, ਸੁਰਿੰਦਰ ਸੰਗਰ, ਨਿਸ਼ਾਂਤ ਤਿਵਾੜੀ, ਸੁਖਪ੍ਰੀਤ ਸੈਣੀ, ਦੀਪੀ ਗਿੱਲ, ਕੋਮਲ ਢਿੱਲੋਂ, ਗੋਲਡੀ ਸਿੰਘ, ਰੂਬਲ ਕਲੀਰੋਂ, ਵਿਕਰਮਜੀਤ ਸਿੰਘ, ਮਨਕੀਰਤ ਸੰਗਰ, ਮਨਪ੍ਰੀਤ ਢਿੱਲੋਂ, ਹਰਵੀਨ ਸੈਣੀ, ਸੁਪਨਦੀਪ ਸੰਗਰ, ਗੈਵੀ ਮਹਿਤਾ, ਹੈਰੀ ਮਹਿਤਾ ਤੇ ਨਵਦੀਪ ਔਲਖ ਨੇ ਬਿਹਤਰੀਨ ਪੇਸ਼ਕਾਰੀ ਦਿੱਤੀ।
ਇਸ ਮੌਕੇ ਗਾਇਕ ਬਾਗੀ ਭੰਗੂ ਨੇ ਪੰਜਾਬੀ ਮਾਂ ਬੋਲੀ ਦੇ ਸਤਿਕਾਰ ਵਿੱਚ ਗੀਤ ਸੁਣਾਇਆ। ਨਾਟਕ ਦੇ ਨਿਰਦੇਸ਼ਕ ਮਹਿੰਗਾ ਸਿੰਘ ਸੰਗਰ ਨੇ ਕਿਹਾ ਕਿ ਫੇਕ ਲਾਈਫ ਥਿਏਟਰੀਕਲ ਗਰੁੱਪ ਐਡੀਲੇਡ ਵੱਲੋਂ ਅਜਿਹੇ ਨਾਟਕ ਕਰਾਉਣ ਦਾ ਮਕਸਦ ਵਿਦੇਸ਼ਾਂ ਵਿੱਚ ਜਾਣ ਲਈ ਵਰਤੇ ਜਾਂਦੇ ਗਲਤ ਹੱਥਕੰਡਿਆਂ ਦੇ ਪਾਜ ਉਧੇੜਨਾ ਅਤੇ ਰਿਸ਼ਤਿਆਂ ਦੇ ਉਲਝਦੇ ਤਾਣੇ-ਬਾਣੇ ਨੂੰ ਬਿਆਨ ਕਰਨਾ ਹੈ।

ਟੈਂਕਰ ਘਪਲਾ: ਪ੍ਰਧਾਨ ਮੰਤਰੀ ਦੀ ਸ਼ਹਿ ‘ਤੇ ਪਰਚਾ ਦਰਜ ਹੋਇਆ : ਕੇਜਰੀਵਾਲ

kejriwal-modi_1ਨਵੀਂ ਦਿੱਲੀ, 21 ਜੂਨ: ਪ੍ਰਧਾਨ ਮੰਤਰੀ ਨੂੰ ਚੁਨੌਤੀ ਦਿੰਦਿਆਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਦਾਅਵਾ ਕੀਤਾ ਕਿ ਉਹ ਨਰਿੰਦਰ ਮੋਦੀ ਦੇ ‘ਗ਼ਲਤ ਕੰਮਾਂ’ ਵਿਰੁਧ ਚਟਾਨ ਵਾਂਗ ਖੜੇ ਹੋਏ ਹਨ ਅਤੇ ਦੋਸ਼ ਲਾਇਆ ਕਿ ਕਈ ਕਰੋੜ ਦੇ ਪਾਣੀ ਟੈਂਕਰ ਘੁਟਾਲੇ ਵਿਚ ਉਨ੍ਹਾਂ ਦੀ ਸਰਕਾਰ ਵਿਰੁਧ ਐਫ਼ਆਈਆਰ ਪ੍ਰਧਾਨ ਮੰਤਰੀ ਦੇ ਇਸ਼ਾਰੇ ‘ਤੇ ਦਰਜ ਕੀਤੀ ਗਈ ਹੈ।
ਕੇਜਰੀਵਾਲ ਨੇ ਮੋਦੀ ਨੂੰ ਚੁਨੌਤੀ ਦਿਤੀ ਕਿ ਉਹ ਜਿੰਨਾ ਚਾਹੇ ਮੇਰੇ ਵਿਰੁਧ ਐੈਫ਼ਆਈਆਰ ਦਰਜ ਕਰਾਏ ਅਤੇ ਸੀਬੀਆਈ ਤੋਂ ਛਾਪੇ ਮਰਵਾਏ, ਉਹ ਇਸ ਤਰ੍ਹਾਂ ਦੇ ਦਬਾਅ ਤੋਂ ਡਰਨ ਵਾਲੇ ਨਹੀਂ ਹਨ ਜਾਂ ਆਮ ਆਦਮੀ ਪਾਰਟੀ ਚੁੱਪ ਬੈਠਣ ਵਾਲੀ ਨਹੀਂ ਹੈ।  Continue reading “ਟੈਂਕਰ ਘਪਲਾ: ਪ੍ਰਧਾਨ ਮੰਤਰੀ ਦੀ ਸ਼ਹਿ ‘ਤੇ ਪਰਚਾ ਦਰਜ ਹੋਇਆ : ਕੇਜਰੀਵਾਲ”

ਨਾ ਪੰਜਾਬ ਬੰਜਰ ਹੈ ਤੇ ਨਾ ਪੰਜਾਬੀ ਕੰਜਰ-ਸੰਜੀਵਨ

ਨਾ ਪੰਜਾਬ  ਬੰਜਰ ਹੈ ਤੇ ਨਾ ਪੰਜਾਬੀ ਕੰਜਰ-ਸੰਜੀਵਨ

udta-punjab-posterਬੇਸ਼ਕ ਅਭਿਸ਼ੇਕ ਚੋਬੇ ਨੇ ਆਪਣੀ ਚਰਚਿੱਤ ਫਿਲਮ “ਉਡਤਾ ਪੰਜਾਬ” ਰਾਹੀਂ ਪੰਜਾਬ ਵਿਚ ਕੈਂਸਰ ਵਾਂਗ ਫੈਲ ਰਹੀ ਨਸ਼ਿਆਂ ਵਰਗੀ ਨਾ-ਮੁਰਾਦ ਬਿਮਾਰੀ ਦਾ ਬਾਖੂਬੀ ਜ਼ਿਕਰ ਕੀਤਾ ਹੈ। ਨਸ਼ੇ ਨਾ ਸਿਰਫ ਨੌਜਵਾਨੀ ਨੂੰ ਤਬਾਹ ਅਤੇ ਬਰਬਾਦ ਕਰ ਰਹੇ ਹਨ ਸਗੋਂ ਉਨਾਂ ਦੇ ਪ੍ਰੀਵਾਰਾਂ ਅਤੇ ਸਕੇ ਸਬੰਧੀ ਨੂੰ ਵੀ ਸੰਤਾਪ ਭੋਗਣਾਂ ਪੈ ਰਿਹਾ ਹੈ। ਪਰ ਫਿਲਮ ਵਿਚਲੇ ਇਕ ਡਾਇਲਾਗ ਪੰਜਾਬ ਬੰਜਰ ਹੈ ਤੇ ਪੰਜਾਬੀ ਕੰਜਰ ’ਤੇ ਆਪਣਾ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕਰਦੇ ਨਾਟਕਕਾਰ ਅਤੇ ਨਾਟ-ਨਿਰਦੇਸ਼ਕ ਸੰਜੀਵਨ ਸਿੰਘ ਨੇ ਕਿਹਾ ਹੈ Continue reading “ਨਾ ਪੰਜਾਬ ਬੰਜਰ ਹੈ ਤੇ ਨਾ ਪੰਜਾਬੀ ਕੰਜਰ-ਸੰਜੀਵਨ”

ਲੈਣ ਨਜ਼ਾਰੇ ਕਿੱਥੇ ਜਾਈਏ

ਲੈਣ ਨਜ਼ਾਰੇ ਕਿੱਥੇ ਜਾਈਏ

kcn912aਗਰਮੀਆਂ ਦੇ ਮੌਸਮ ਵਿਚ ਹਰ ਕੋਈ ਸੋਚਦਾ ਹੈ ਕਿ ਕਿਤੇ ਘੁੰਮਣ ਜਾਣਾ ਚਾਹੀਦਾ ਹੈ, ਪਰ ਕਈ ਵਾਰੀ ਪੈਸੇ ਦੀ ਘਾਟ, ਕੰਮ ਤੋਂ ਵਿਹਲ ਨਾ ਮਿਲਣਾ ਆਦਿ ਬਹਾਨਿਆਂ ਦੇ ਨਾਲ ਨਾਲ ਇਹ ਵੀ ਨਹੀਂ ਪਤਾ ਹੁੰਦਾ ਕਿ ਜਾਈਏ ਕਿੱਥੇ। ਹੋਟਲਾਂ ਵਾਲਿਾਆਂ ਦੇ ਮਹਿੰਗੇ ਰੇਟ ਤੇ ਅਗਿਆਤ ਡਰ ਵੀ ਸਾਨੂੰ ਘਰੇ ਬਿਠਾ ਦੇਂਦਾ ਹੈ। ਪਰ ਅਸਲ ਸਫਰ ਵਿਚ ਅਜਿਹਾ ਕੁਝ ਵੀ ਨਹੀਂ ਹੈ। ਨਾ ਹੀ ਬਾਹਲਾ ਖਰਚਾ ਹੈ ਤੇ ਨਾ ਹੀ ਦੇਖਣਯੋਗ ਥਾਂਵਾ ਦੀ ਘਾਟ। ਸਫਰ ਮੂਲ ਰੂਪ ਵਿਚ ਦੋ ਤਰਾਂ ਦਾ ਹੁੰਦਾ ਹੇ। ਆਪਣੀ ਸਵਾਰੀ ਤੇ ਜਾ ਬਸਾਂ–ਗੱਡੀਆਂ ਰਾਹੀਂ। ਦੋਵੇਂ ਤਰਾਂ ਹੀ ਕੋਈ ਸਮੱਸਿਆ ਨਹੀਂ। ਕੁਝ ਅਸੂਲ ਹਨ, ਬਸ ਉਹਨਾ ਦਾ ਖਿਆਲ ਰੱਖੋ। ਮਹਿੰਗੇ ਗਹਿਣੇ ਆਦਿ ਨਾ ਪਾਓ। ਪਰਸ ਦੀ ਥਾਂ, ਪੈਸੇ ਜੇਬਾਂ ਵਿਚ ਦੋ ਤਿੱਨ ਥਾਂ ਰੱਖੋ। ਜਾਣ ਤੋਂ ਪਹਿਲੋਂ ਇੰਟਰਨੇੱਟ ਤੇ ਨਕਸ਼ਾ ਦੇਖ ਲਵੋ। ਆਮ ਬੱਸ ਜਾਂ ਗੱਡੀ ਵਿਚ ਸਫਰ ਕਰੋ, ਕਾਫੀ ਖਰਚਾ ਬਚ ਜਾਵੇਗਾ। Continue reading “ਲੈਣ ਨਜ਼ਾਰੇ ਕਿੱਥੇ ਜਾਈਏ”

ਨੋਵਾਕ ਜੋਕੋਵਿਚ ਮਹਾਨ ਬਣਨ ਦੀ ਰਾਹ ‘ਤੇ

ਪੁਰਸ਼ ਟੈਨਿਸ ਇਤਿਹਾਸ ਵਿਚ ਇਸ ਤਰ੍ਹਾਂ ਸਿਰਫ਼ ਤਿੰਨ ਵਾਰ ਹੋਇਆ ਹੈ ਜਦੋਂ ਕਿਸੇ ਖਿਡਾਰੀ ਨੇ ਚਾਰੇ ਗ੍ਰੈਂਡਸਲੇਮ ਖਿਤਾਬ ਇਕੋ ਵੇਲੇ ਆਪਣੇ ਕੋਲ ਰੱਖੇ ਹੋਣ। ਪੈਰਿਸ ਵਿਚ ਨੋਵਾਕ ਜੋਕੋਵਿਚ ਵੱਲੋਂ ਇਹ ਕਾਰਨਾਮਾ ਕਰਨ ਤੋਂ ਪਹਿਲਾਂ ਡੋਨ ਬਜ (1938) ਅਤੇ ਰੋਡ ਲੇਵਰ (1962 ਤੇ 1969) ਇਕੋ ਵੇਲੇ ਫ੍ਰੈਂਚ ਓਪਨ, ਆਸਟ੍ਰੇਲੀਅਨ ਓਪਨ, ਯੂ. ਐਸ. ਓਪਨ ਤੇ ਵਿੰਬਲਡਨ ਟ੍ਰਾਫੀ ਆਪਣੇ ਕੋਲ ਰੱਖ ਚੁੱਕੇ ਸਨ। Continue reading “ਨੋਵਾਕ ਜੋਕੋਵਿਚ ਮਹਾਨ ਬਣਨ ਦੀ ਰਾਹ ‘ਤੇ”

ਵੋਟਰਾਂ ਤੱਕ ਪਹੁੰਚਣ ਲਈ ਪੰਜਾਬੀ ਸਿੱਖ ਰਹੇ ਹਨ ਕੇਜਰੀਵਾਲ

ਦਿੱਲੀ ਕਮੇਟੀ ਨੇ ਕੀਤਾ ਸਵਾਗਤ

ArvindKejriwalਨਵੀਂ ਦਿੱਲੀ -2017 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਨੂੰ ਲੈ ਕੇ ਆਮ ਆਦਮੀ ਪਾਰਟੀ ਹਰ ਪੱਖੋਂ ਮਜ਼ਬੂਤ ਹੋਣ ਲਈ ਨਿੱਤ ਨਵੀਂ ਘਾਲਣਾ ਘਾਲਦੀ ਰਹਿੰਦੀ ਹੈ ਤੇ ਅੱਜ ਕੱਲ੍ਹ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਵੱਲੋਂ ਗੁਰਮੁਖੀ ਸਿੱਖਣ ਦਾ ਮਾਮਲਾ ਵਿਸ਼ੇਸ਼ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ | ਸੁਣਨ ‘ਚ ਆ ਰਿਹਾ ਹੈ ਕਿ ਗੁਰਮੁਖੀ ਸਿੱਖਣ ਲਈ ਮੁੱਖ ਮੰਤਰੀ ਕਾਫੀ ਮਿਹਨਤ ਕਰ ਰਹੇ ਹਨ | ਉਨ੍ਹਾਂ ਦਾ ਮੰਨਣਾ ਹੈ ਕਿ ਪੰਜਾਬ ਦੇ ਲੋਕਾਂ ਨਾਲ ਸਿੱਧੇ ਤੌਰ ‘ਤੇ ਜੁੜਣ ਲਈ ਪੰਜਾਬੀ ਜ਼ੁਬਾਨ ਸਿੱਖਣਾ ਬਹੁਤ ਲਾਜ਼ਮੀ ਹੈ | ਸੂਤਰਾਂ ਅਨੁਸਾਰ ਪਿਛਲੇ ਮਹੀਨੇ ਤੋਂ ਉਹ ਰੋਜ਼ਾਨਾ 2 ਘੰਟੇ ਦੀ ਕਲਾਸ ਵੀ ਲੈ ਰਹੇ ਹਨ | Continue reading “ਵੋਟਰਾਂ ਤੱਕ ਪਹੁੰਚਣ ਲਈ ਪੰਜਾਬੀ ਸਿੱਖ ਰਹੇ ਹਨ ਕੇਜਰੀਵਾਲ”

ਹੁਣ ਦਿਲ ਦੀ ਧੜਕਨ ਹੋਵੇਗਾ ਏ.ਟੀ.ਐਮ. ਦਾ ਪਿੰਨ

ਨਵੀਂ ਦਿੱਲੀ, (ਏਜੰਸੀ) : ਉਹ ਦਿਨ ਦੂਰ ਨਹੀਂ ਜਦੋਂ ਇਕ ਇਨਸਾਨ ਦੀ ਦਿਲ ਦੀ ਧੜਕਨ ਨਾਲ ਬਿਨਾਂ ਏ.ਟੀ.ਐਮ. ਪਿੰਨ ਦੀ ਸਹਾਇਤਾ ਤੋਂ ਰੁਪਇਆਂ ਦੀ ਤਬਦੀਲੀ ਜਾਂ ਨਿਕਾਸੀ ਕੀਤੀ ਜਾ ਸਕੇਗੀ | ਜ਼ਿਕਰਯੋਗ ਹੈ ਕਿ ਹਰੇਕ ਵਿਅਕਤੀ ਦੀ ਦਿਲ ਦੀ ਧੜਕਨ ਵੱਖ ਹੁੰਦੀ ਹੈ ਅਤੇ ਇਸ ਦਿਲ ਦੀ ਧੜਕਨ ਦਾ ਇਸਤਿਮਾਲ ਬੈਂਕ ਅਕਾਊਾਟ ਦੇ ਸੰਚਾਲਨ ‘ਚ ਜਲਦ ਹੋ ਸਕੇਗਾ | ਹਾਲਾਂਕਿ, ਭਾਰਤ ‘ਚ ਇਸ ਤਕਨੀਕ ਨੂੰ ਆਉਣ ‘ਚ ਸਮਾਂ ਲੱਗੇਗਾ ਪਰ ਭਾਰਤੀ ਬੈਂਕਾਂ ਨੇ ਸਾਈਬਰ ਸੁਰੱਖਿਆ ਨੂੰ ੂ ਬਿਹਤਰ ਬਣਾਉਣ ਲਈ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ | ਦੱਸਣਯੋਗ ਹੈ ਕਿ ਰਿਜ਼ਰਵ ਬੈਂਕ ਨੇ ਬੀਤੀ 2 ਜੂਨ ਨੂੰ ਸਬੰਧਤ ਕਮੇਟੀ ਨੂੰ ਸੁਰੱਖਿਆ ਨੀਤੀ ਬਣਾਉਣ ਦੇ ਆਦੇਸ਼ ਦਿੱਤੇ ਹਨ | ਜ਼ਿਕਰਯੋਗ ਹੈ ਕਿ ਟੋਰਾਂਟੋ ਸਥਿਤ ਬਾਓਮੈਟਿ੍ਕ ਅਤੇ ਅਥੈਂਟੀਕੇਸ਼ਨ ਤਕਨੀਕ ਕੰਪਨੀ ਨੇਆਮੀ ਇਸ ਤਕਨੀਕ ‘ਤੇ ਖੋਜ ਕਰ ਰਹੀ ਹੈ | ਇਸ ਤਕਨੀਕ ਨਾਲ ਹੱਥਾਂ ‘ਚ ਬੰਨਿ੍ਹਆ ਰਿਟਸਬੈਂਡ ਵਿਅਕਤੀ ਦੇ ਬੈਂਕ ਅਕਾਊਾਟ ਲਈ ਟ੍ਰਾਂਸਮਿਸ਼ਨ ਸਿਗਨਲ ਦਾ ਕੰਮ ਕਰੇਗਾ ਜੋ ਵਿਅਕਤੀ ਦਾ ਪਛਾਣ ਬਣੇਗਾ |

ਪਾਕਿ ਤੋਂ ਬਾਅਦ ਭਾਰਤ ਨੂੰ ਵੀ ਅਮਰੀਕਾ ਵੱਲੋਂ ਵੱਡਾ ਝਟਕਾ ਅਮਰੀਕੀ ਸੰਸਦ ਵਿੱਚ ਭਾਰਤ ਨੂੰ ਵਿਸ਼ੇਸ਼ ਦਰਜਾ ਦੇਣ ਵਾਲਾ ਬਿੱਲ ਹੋਇਆ ਫੇਲ੍ਹ

modiobamaਵਾਸ਼ਿੰਗਟਨ -ਅਮਰੀਕੀ ਸੰਸਦ ਨੇ ਭਾਰਤ ਨੂੰ ਅਮਰੀਕਾ ਦਾ ਵਿਸ਼ਵ ਰਣਨੀਤਕ ਅਤੇ ਡਿਫੈਂਸ ਪਾਰਟਨਰ ਮੰਨਣ ਤੋਂ ਨਾਂਹ ਕਰ ਦਿੱਤੀ ਹੈ। ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਅਮਰੀਕੀ ਕਾਂਗਰਸ ਦੇ ਸਾਂਝੇ ਸੈਸ਼ਨ ਨੂੰ ਸੰਬੋਧਨ ਕਰਨ ਦੌਰਾਨ ਰਿਪਬਲੀਕਨ ਨੇਤਾ ਜਾਨ ਮਕੈਨ ਨੇ ਨੈਸ਼ਨਲ ਡਿਫੈਂਸ ਅਧਿਕਾਰਤ ਐਕਟ ਵਿੱਚ ਸੋਧਾਂ ਪੇਸ਼ ਕੀਤੀਆਂ ਸਨ। ਜੇਕਰ ਇਹ ਸੋਧਾਂ ਪਾਸ ਹੋ ਜਾਂਦੀਆਂ ਤਾਂ ਭਾਰਤ ਨੂੰ ਅਮਰੀਕਾ ਦਾ ਵਿਸ਼ਵ ਪੱਧਰੀ ਰਣਨੀਤਕ ਅਤੇ ਰੱਖਿਆ ਪਾਰਟਨਰ ਮੰਨ ਲਿਆ ਜਾਂਦਾ। ਅਮਰੀਕਾ ਨੇ ਮੋਦੀ ਅਤੇ ਓਬਾਮਾ ਦੀ ਮੁਲਾਕਾਤ ਤੋਂ ਬਾਅਦ ਸਾਂਝੇ ਸੰਬੋਧਨ ਵਿੱਚ ਭਾਰਤ ਨੂੰ ਆਪਣਾ ਪ੍ਰਮੁੱਖ ਰੱਖਿਆ ਸਾਂਝੀਦਾਰ ਮੰਨਿਆ ਸੀ। ਅਮਰੀਕਾ ਨੇ ਭਾਰਤ ਨੂੰ ਰੱਖਿਆ ਖੇਤਰ ਦੀ ਵਪਾਰ ਅਤੇ ਤਕਨੀਕ ਦੇ ਵਟਾਂਦਰੇ ਦਾ ਵੀ ਸਮਰੱਥਨ ਕੀਤਾ ਗਿਆ ਸੀ।
ਇਸ ਦੇ ਨਾਲ ਭਾਰਤ ਨੂੰ ਅਮਰੀਕਾ ਦੇ ਸਭ ਤੋਂ ਨਜ਼ਦੀਕੀ ਸਹਿਯੋਗੀਆਂ ਵਿੱਚ ਸ਼ਾਮਲ ਮੰਨਿਆ ਜਾ ਰਿਹਾ ਸੀ। ਐੱਨ.ਡੀ.ਏ.ਏ. ਨੂੰ ਸੋਨੇਟ ਨੇ 85-13 ਦੇ ਭਾਰੀ ਅੰਕੜੇ ਨਾਲ ਪਾਸ ਕੀਤਾ ਸੀ, ਲੇਕਿਨ ਐੱਸ.ਏ. 4618 ਵਰਗੀਆਂ ਕੁੱਝ ਅਹਿਮ ਸੋਧਾਂ ਕਾਫੀ ਸਮਰੱਥਨ ਦੇ ਬਾਵਜੂਦ ਪਾਸ ਨਹੀਂ ਹੋ ਸਕੀਆਂ। ਮਕੈਨ ਨੇ ਭਾਰਤ ਸਬੰਧੀ ਲਿਆਂਦੇ ਗਏ ਵਿਧਾਈ ਫੈਸਲੇ ਦੇ ਬਿਨਾਂ ਕਿਸੇ ਖਾਸ ਹਿੱਸੇ ਦਾ ਜ਼ਿਕਰ ਕਰਦੇ ਹੋਏ ਨਿਰਾਸ਼ਾ ਜਿਤਾਈ ਕਿ ਸੈਨੇਟ ਵਿੱਚ ਕਈ ਅਹਿਮ ਬਦਲਾਅ ਪਾਸ ਨਹੀਂ ਹੋ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਦੁੱਖ ਹੈ ਕਿ ਸੈਨੇਟ ਸਾਡੀ ਰਾਸ਼ਟਰੀ ਸੁਰੱਖਿਆ ਦੇ ਕਈ ਅਹਿਮ ਮਾਮਲਿਆਂ ਤੇ ਬਹਿਸ ਅਤੇ ਵੋਟ ਨਹੀਂ ਕਰ ਸਕੀ। ਇਸ ਵਿੱਚੋਂ ਕਈ ਤਾਂ ਵਿਆਪਕ ਦੁਵੱਲੇ ਸਮਰੱਥਨ ਨਾਲ ਸਬੰਧਿਤ ਸਨ। ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਇਸ ਗੱਲ ਦੀ ਵੱਡੀ ਨਿਰਾਸ਼ਾ ਹੈ ਕਿ ਸੈਨੇਟ ਯੁੱਧ ਦੇ ਦੌਰਾਨ ਸਾਹਸ ਦੇ ਨਾਲ ਅਮਰੀਕਾ ਦੀ ਮੱਦਦ ਕਰਨ ਵਾਲੇ ਅਫਗਾਨਿਸਤਾਨੀਆਂ ਦੇ ਲਈ ਸਪੈਸ਼ਲ ਇਮੀਗਰੇਂਟ ਵੀਜਾ ਦੀ ਸੰਖਿਆ ਵਧਾਉਣ ਵਿੱਚ ਅਸਫਲ ਰਿਹਾ। ਉਨ੍ਹਾਂ ਦਾ ਜੀਵਨ ਅੱਜ ਵੀ ਖਤਰੇ ਵਿੱਚ ਹੈ। ਮਕੈਨ ਨੇ ਅੱਗੇ ਕਿਹਾ ਕਿ ਇਸ ਪੂਰੀ ਪ੍ਰਕਿਰਿਆ ਦੇ ਦੌਰਾਨ ਕੇਵਲ ਇੱਕ ਸੈਨੇਟਰ ਨੇ ਹੀ ਸੈਨੇਟ ਦੇ ਰਾਸ਼ਟਰੀ ਸੁਰੱਖਿਆ ਦੇ ਕੰਮ ਵਿੱਚ ਅੜਚਨ ਪਾਈ। ਇਸ ਨਾਲ ਸੈਨੇਟ ਦਾ ਡੈਕੋਰਮ ਭੰਗ ਹੋ ਗਿਆ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਇਸ ਦੇ ਗੰਭੀਰ ਨਤੀਜੇ ਨਿਕਲਣਗੇ। ਮਕੈਨ ਦੇ ਸੰਸੋਸ਼ਧਨਾਂ ਵਿੱਚ ਕਿਹਾ ਗਿਆ ਸੀ ਕਿ ਭਾਰਤ ਅਤੇ ਅਮਰੀਕਾ ਦੇ ਸਬੰਧ ਦੋ ਦਹਾਕਿਆਂ ਤੋਂ ਕਾਫੀ ਅੱਗੇ ਵੱਧੇ ਹਨ। ਇਸ ਦੇ ਪਰੰਪਰਕਿ ਸਮਰਿਧੀ, ਆਰਥਿਕ ਸਹਿਯੋਗ, ਖੇਤਰੀ ਸ਼ਾਂਤੀ ਸੁਰੱਖਿਆ ਅਤੇ ਸਥਿਰਤਾ ਦੇ ਖੇਤਰ ਵਿੱਚ ਅਹਿਮ ਯੋਗਦਾਨ ਦੇਖਣ ਨੂੰ ਮਿਲਿਆ ਹੈ। ਇਸ ਵਿੱਚ ਰਾਸ਼ਟਰਪਤੀ ਤੋਂ ਭਾਰਤ ਨੂੰ ਅਮਰੀਕਾ ਦਾ ਗਲੋਬਲ ਸਟਰੈਜਿਕ ਅਤੇ ਡਿਫੈਂਸ ਪਾਰਟਨਰ ਬਣਾਉਣ ਦੇ ਲਈ ਡਿਫੈਂਸ ਐਕਸਪਰਟ ਕੰਟਰੋਲ ਰੈਗੂਲੇਸ਼ਨਜ ਵਿੱਚ ਜਰੂਰੀ ਬਦਲਾਅ ਕਰਨ ਨੂੰ ਕਿਹਾ ਗਿਆ ਸੀ। ਇਸ ਵਿੱਚ ਰਾਸ਼ਟਰਪਤੀ ਦੇ ਭਾਰਤੀ ਸੈਨਾ ਨੂੰ ਮਾਨਵੀ ਮੱਦਦ, ਆਪਦਾ ਰਾਹਤ ਕਾਰਜ ਅਤੇ ਸਮੁੰਦਰੀ ਜਾਗਰੂਕਤਾ ਵਰਗੇ ਕੰਮਾਂ ਦੇ ਲਈ ਐਡਵਾਂਸਡ ਤਕਨੀਕ ਦੇ ਟਰਾਂਸਫਰ ਨੂੰ ਮਨਜੂਰੀ ਦੇਣ ਨੂੰ ਵੀ ਕਿਹਾ ਗਿਆ ਸੀ। ਦੂਸਰੇ ਪਾਸੇ ਅਮਰੀਕਾ ਨੂੰ ਪਾਕਿ ਨੂੰ ਪਹਿਲਾਂ ਹੀ ਕਈ ਵੱਡੇ ਝਟਕੇ ਦੇ ਕੇ ਉਸ ਨੂੰ ਹੈਸੀਅਤ ਦਾ ਅਹਿਸਾਸ ਕਰਵਾ ਦਿੱਤਾ ਹੈ। ਇਨ੍ਹਾਂ ਸਭ ਦੇ ਵਿੱਚ ਪਾਕਿਸਤਾਨ ਨੇ ਅੰਕਲ ਸੈਮ ਯਾਨੀ ਅਮਰੀਕਾ ਨੂੰ ਖੁਸ਼ ਕਰਨ ਦੇ ਲਈ ਲਾਬਿੰਗ ਫਰਮ ਦਾ ਸਹਾਰਾ ਲਵੇਗਾ। ਇਸ ਦੇ ਲਈ ਬਕਾਇਦਾ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ ਦੇ ਇਲਾਵਾ ਐੱਫ-ਏ-16 ਦੇ ਮੁੱਦੇ ਤੇ ਅਮਰੀਕੀ ਕਾਂਗਰਸ ਤੋਂ ਇਨਕਾਰ ਦੇ ਬਾਅਦ ਪਾਕਿਸਤਾਨ ਨੂੰ ਝਟਕਾ ਲੱਗਾ। ਅਮਰੀਕੀ ਕਾਂਗਰਸ ਨੇ ਸਾਫ ਕਰ ਦਿੱਤਾ ਸੀ ਕਿ ਫਾਰਨ ਮਿਲਟਰੀ ਫਾਈਨੈਂਸਿੰਗ ਦੇ ਤਹਿਤ ਅਮਰੀਕੀ ਜਨਤਕਾ ਨੂੰ ਪੈਸੇ ਨੂੰ ਪਾਕਿਸਤਾਨ ਦੀ ਮੱਦਦ ਕਰਨ ਦੀ ਇਜਾਜਤ ਨਹੀਂ ਦਿੱਤੀ ਜਾ ਸਕਦੀ ਹੈ। ਇਸ ਤਹਿਤ ਬਦਲਦੇ ਸਮੀਕਰਨ ਵਿੱਚ ਪਾਕਿ ਹੁਕਮਰਾਨਾਂ ਤੋਂ ਇਹ ਲੱਗਦਾ ਹੈ ਕਿ ਅਮਰੀਕਾ ਦੇ ਸਾਹਮਣੇ ਆਪਣੇ ਨੂੰ ਪਾਕਿ ਸਾਫ ਰੱਖਣ ਦੇ ਲਈ ਕੁੱਝ ਕਦਮ ਉਠਾਉਣੇ ਹੋਣਗੇ। ਪਾਕਿਸਤਾਨ ਦੇ ਅਖਬਾਰ ਦ ਡਾਨ ਦੇ ਮੁਤਾਬਕ ਇੱਕ ਅਧਿਕਾਰੀ ਨੇ ਨਾਮ ਨਾ ਦੱਸਦੇ ਹੋਏ ਇਸ ਸ਼ਰਤ ਤੇ ਕਿਹਾ ਕਿ ਜਿਸ ਤਰ੍ਹਾਂ ਾਰਤ ਨੂੰ ਵਿਦੇਸ਼ੀ ਮੋਰਚੇ ਤੇ ਕਾਮਯਾਬੀ ਮਿਲੀ ਹੈ। ਉਸ ਨੂੰ ਪਾਕਿਸਤਾਨ ਵਿੱਚ ਇੱਕ ਤਰ੍ਹਾਂ ਦੀ ਬੇਚੈਨੀ ਹੈ। ਪਾਕਿ ਵਿਦੇਸ਼ ਨੀਤੀ ਦੇ ਮੁੱਖ ਸਲਾਹਕਾਰ ਸਰਤਾਜ ਅਜੀਜ ਨੇ ਕਿਹਾ ਕਿ ਲਾਬਿੰਗ ਫਰਮ ਦੇ ਜਰੀਏ ਆਪਣੀ ਗੱਲ ਰੱਖਣ ਵਿੱਚ ਕਿਸੇ ਤਰ੍ਹਾਂ ਦੀ ਬੁਰਾਈ ਨਹੀਂ ਹੈ। ਪਾਕਿਸਤਾਨ ਪਹਿਲਾਂ ਵੀ ਇਸ ਤਰ੍ਹਾਂ ਦਾ ਕੰਮ ਕਰਦਾ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਅਤੇ ਦੂਸਰੇ ਦੇਸ਼ ਲਾਬਿੰਗ ਫਰਮ ਦੇ ਜਰੀਏ ਆਪਣੀ ਗੱਲ ਰੱਖਦੇ ਹਨ।

 

 

ਫਿਲੀਪੀਨਜ਼ ਵਿੱਚ ਬੰਧੀ ਬਣਾਏ ਗਏ ਕੈਨੇਡੀਅਨ ਦੇ ਕਤਲ ਦੀ ਟਰੂਡੋ ਵੱਲੋਂ ਨਿਖੇਧੀ

ਓਟਾਵਾ-ਫਿਲੀਪੀਨਜ਼ ਵਿੱਚ ਅਬੂ ਸੱਯਫ ਅੱਤਵਾਦੀਆਂ ਵੱਲੋਂ ਬੰਧੀ ਬਣਾ ਕੇ ਰੱਖੇ ਗਏ ਕੈਨੇਡੀਅਨ ਦਾ ਕਤਲ ਕੀਤੇ ਜਾਣ ਦੀ ਖਬਰ ਮਿਲੀ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਸਰਕਾਰ ਫਿਲੀਪੀਨਜ਼ ਦੇ ਅਧਿਕਾਰੀਆਂ ਨਾਲ ਰਲ ਕੇ ਇਹ ਪਤਾ ਲਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਕੈਲਗਰੀ ਦੇ ਰੌਬਰਟ ਹਾਲ ਨੂੰ ਫਿਲੀਪੀਨਜ਼ ਵਿੱਚ ਮਾਰ ਮੁਕਾਇਆ ਗਿਆ ਹੈ। ਟਰੂਡੋ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸਾਡੇ ਕੋਲ ਇਹ ਮੰਨਣ ਦਾ ਹਰ ਕਾਰਨ ਹੈ ਕਿ ਮਿਲ ਰਹੀਆਂ ਖਬਰਾਂ ਸੱਚ ਹਨ। ਜ਼ਿਕਰਯੋਗ ਹੈ ਕਿ ਅਲ ਕਾਇਦਾ ਨਾਲ ਸਬੰਧਤ ਅੱਤਵਾਦੀ ਜਥੇਬੰਦੀ ਨੇ ਇਹ ਚੇਤਾਵਨੀ ਦਿੱਤੀ ਸੀ ਕਿ ਜੇ ਉਨ੍ਹਾਂ ਨੂੰ 8 ਮਿਲੀਅਨ ਡਾਲਰ ਦੀ ਫਿਰੌਤੀ ਨਾ ਮਿਲੀ ਤਾਂ ਉਹ ਸੋਮਵਾਰ ਨੂੰ ਹਾਲ ਨੂੰ ਮਾਰ ਦੇਣਗੇ। ਟਰੂਡੋ ਨੇ ਆਖਿਆ ਕਿ ਇਸ ਕਤਲ ਲਈ ਕੈਨੇਡਾ ਪੂਰੀ ਤਰ੍ਹਾਂ ਅਬੂ ਸੱਯਫ ਨੂੰ ਹੀ ਜ਼ਿੰਮੇਵਾਰ ਮੰਨਦਾ ਹੈ। ਉਨ੍ਹਾਂ ਹਾਲ ਫੈਮਿਲੀ ਨਾਲ ਦੁੱਖ ਸਾਂਝਾ ਕਰਦਿਆਂ ਇੱਕ ਵਾਰੀ ਮੁੜ ਅੱਤਵਾਦੀ ਜਥੇਬੰਦੀਆਂ ਨੂੰ ਫਿਰੌਤੀ ਦੀ ਰਕਮ ਨਾ ਦੇਣ ਦੀ ਕੈਨੇਡਾ ਦੀ ਨੀਤੀ ਨੂੰ ਦੁਹਰਾਇਆ। ਉਨ੍ਹਾਂ ਆਖਿਆ ਕਿ ਇਸ ਤਰ੍ਹਾਂ ਅੱਤਵਾਦੀਆਂ ਦੀਆਂ ਮੰਗਾਂ ਪੂਰੀਆਂ ਚੳਨੳਦੳ-ਪੋਲਟਿਚਿਸ-ਜੁਸਟਨਿ-ਟਰੁਦੲਉ ਕਰਕੇ ਅਸੀਂ ਕੈਨੇਡਾ ਦੀ ਬਦਖੋਹੀ ਨਹੀਂ ਕਰ ਸਕਦੇ। ਇੱਥੇ ਦੱਸਣਾ ਬਣਦਾ ਹੈ ਕਿ ਪਿਛਲੇ ਸਾਲ ਸਤੰਬਰ ਵਿੱਚ ਇੱਕ ਰਿਜ਼ਾਰਟ ਤੋਂ ਅਬੂ ਸੱਯਫ ਨੇ ਜੌਹਨ ਰਿਡਸਡੇਲ, ਨਾਰਵੇਅ ਦੇ ਇੱਕ ਹੋਰ ਵਿਅਕਤੀ ਤੇ ਫਿਲੀਪੀਨ ਦੀ ਇੱਕ ਔਰਤ ਨੂੰ ਅਗਵਾ ਕਰ ਲਿਆ ਸੀ। 68 ਸਾਲਾ ਰਿਡਸਡੇਲ ਦਾ ਅਪਰੈਲ ਵਿੱਚ ਉਦੋਂ ਸਿਰ ਕਲਮ ਕਰ ਦਿੱਤਾ ਗਿਆ ਸੀ ਜਦੋਂ ਉਸ ਦੇ ਅਗਵਾਕਾਰਾਂ ਦੀ ਫਿਰੌਤੀ ਦੀ ਮੰਗ ਨੂੰ ਪੂਰਾ ਨਹੀਂ ਸੀ ਕੀਤਾ ਗਿਆ। ਸੋਮਵਾਰ ਨੂੰ ਟਰੂਡੋ ਨੇ ਆਖਿਆ ਕਿ ਸਰਕਾਰ ਫਿਲੀਪੀਨਜ਼ ਦੇ ਅਧਿਕਾਰੀਆਂ ਨਾਲ ਕੰਮ ਕਰ ਰਹੀ ਹੈ ਤੇ ਇਹ ਯਕੀਨੀ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਇਸ ਕਾਰੇ ਲਈ ਜਿੰ?ਮੇਵਾਰ ਵਿਅਕਤੀਆਂ ਨੂੰ ਸਜ਼ਾ ਦਿੱਤੀ ਜਾਵੇ। ਇਸ ਮੌਕੇ ਵਿਦੇਸ਼ ਮੰਤਰੀ ਸਟੀਫਨ ਡਿਓਨ ਨੇ ਆਖਿਆ ਕਿ ਅਗਵਾਕਾਰਾਂ ਦੀ ਫਿਰੌਤੀ ਦੀ ਮੰਗ ਨੂੰ ਪੂਰਾ ਕਰਨ ਨਾਲ ਅੱਤਵਾਦੀ ਜਥੇਬੰਦੀਆਂ ਦੇ ਹੌਸਲੇ ਹੋਰ ਵੱਧ ਜਾਣਗੇ ਤੇ ਉਨ੍ਹਾਂ ਨੂੰ ਭਵਿੱਖ ਵਿੱਚ ਹੋਰ ਹਮਲੇ ਕਰਨ ਤੇ ਕੈਨੇਡੀਅਨਾਂ ਲਈ ਖਤਰਾ ਖੜ੍ਹਾ ਕਰਨ ਦੇ ਮੌਕੇ ਮਿਲ ਜਾਣਗੇ। ਉਨ੍ਹਾਂ ਆਖਿਆ ਕਿ ਸਾਨੂੰ ਇਹ ਸੰਕੇਤ ਦੇਣਾ ਚਾਹੀਦਾ ਹੈ ਕਿ ਕੈਨੇਡੀਅਨਾਂ ਨੂੰ ਬੰਧੀ ਬਣਾਉਣ ਨਾਲ ਕੁੱਝ ਨਹੀਂ ਹੋਣ ਵਾਲਾ, ਅਜਿਹਾ ਕਰਕੇ ਅੱਤਵਾਦੀ ਪੈਸੇ ਨਹੀਂ ਬਣਾ ਸਕਣਗੇ।

rbanner1

Share