ਟਰੰਪ ਨੇ ਪੰਜਾਬੀ ਮੂਲ ਦੀ ਨਿੱਕੀ ਹੇਲੀ ਨੂੰ ਸੰਯੁਕਤ ਰਾਸ਼ਟਰ ਦਾ ਦੂਤ ਨਾਮਜ਼ਦ ਕੀਤਾ

ਟਰੰਪ ਨੇ ਪੰਜਾਬੀ ਮੂਲ ਦੀ ਨਿੱਕੀ ਹੇਲੀ ਨੂੰ ਸੰਯੁਕਤ ਰਾਸ਼ਟਰ ਦਾ ਦੂਤ ਨਾਮਜ਼ਦ ਕੀਤਾ

nikki
ਵਾਸ਼ਿੰਗਟਨ , (ਵਤਨ ਬਿਉਰੋ): ਅਮਰੀਕਾ ਦੇ ਨਵੇਂ – ਚੁਣੇ ਗਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੱਖਣ ਕੈਰੋਲਿਨਾ ਦੀ ਭਾਰਤੀ ਮੂਲ ਦੀ ਗਵਰਨਰ ਨਿੱਕੀ ਹੇਲੀ ਨੂੰ ਸੰਯੁਕਤ ਰਾਸ਼ਟਰ ਵਿੱਚ ਅਮਰੀਕੀ ਰਾਜਦੂਤ ਦੇ ਅਹੁਦੇ ਲਈ ਨਾਮਜ਼ਦ ਕੀਤਾ । ਅਮਰੀਕੀ ਪ੍ਰਸ਼ਾਸਨ ਵਿੱਚ ਕੈਬਨਿਟ ਪੱਧਰ ਦੇ ਪਦ ਉੱਤੇ ਨਿਯੁਕਤ ਹੋਣ ਵਾਲੀ ਉਹ ਪਹਿਲੀ ਭਾਰਤੀ ਅਮਰੀਕੀ ਹੋਵੇਗੀ । ਟਰੰਪ ਨੇ ਕਿਹਾ , ‘ਗਵਰਨਰ ਹੇਲੀ ਨੇ ਆਪਣੇ ਪ੍ਰਾਂਤ ਅਤੇ ਸਾਡੇ ਦੇਸ਼ ਦੀ ਬਿਹਤਰੀ ਲਈ ਮਹੱਤਵਪੂਰਨ ਨੀਤੀਆਂ ਨੂੰ ਅੱਗੇ ਵਧਣ ਖ਼ਾਤਰ ਲੋਕਾਂ ਨੂੰ ਉਨ੍ਹਾਂ ਦੀ ਪ੍ਰਸ਼ਠਭੂਮੀ ਜਾਂ ਪਾਰਟੀ ਨਾਲ ਜੋੜ ਕੇ ਲਿਆਉਣ ਦਾ ਟਰੈਕ ਰਿਕਾਰਡ ਸਥਾਪਤ ਕੀਤਾ ਹੈ । ’ ਵਹਾਇਟ ਹਾਊਸ ਵਿੱਚ ਸੱਤਾ ਤਬਦੀਲੀ ਦੌਰਾਨ ਟਰੰਪ ਦੁਆਰਾ ਸਿਖਰ ਪੱਧਰੀ ਪ੍ਰਸ਼ਾਸਨ ਲਈ ਚੁਣੀ ਗਈ ਪੰਜਾਬ ਤੋਂ ਭਾਰਤੀ ਪ੍ਰਵਾਸੀਆਂ ਦੀ 44 ਸਾਲ ਦਾ ਧੀ ਹੇਲੀ ਪਹਿਲੀ ਔਰਤ ਹੈ। ਇਸ ਪ੍ਰਮੁੱਖ ਪਦ ਲਈ ਨਾਮਜ਼ਦ ਹੋਣ ਤੋਂ ਬਾਅਦ ਹੇਲੀ ਨੇ ਕਿਹਾ , ‘ਸਾਡੇ ਦੇਸ਼ ਦੇ ਸਾਹਮਣੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਵੱਡੀਆਂ ਚੁਨੌਤੀਆਂ ਹਨ ਅਤੇ ਮੈਂ ਆਪਣੇ ਆਪ ਨੂੰ ਸਨਮਾਨਿਤ ਮਹਿਸੂਸ ਕਰਦੀ ਹਾਂ ਕਿ ਨਵ ਨਿਰਵਾਚਿਤ ਰਾਸ਼ਟਰਪਤੀ ਨੇ ਮੇਰੇ ਤੋਂ ਆਪਣੀ ਟੀਮ ਵਿੱਚ ਸ਼ਾਮਿਲ ਹੋਣ ਅਤੇ ਦੇਸ਼ ਦੀ ਸੇਵਾ ਕਰਨ ਲਈ ਕਿਹਾ ।

ਸਭ ਲਈ ਸੁੰਦਰ ਸੰਸਾਰ ਦੀ ਕਾਮਨਾ – ਇਪਟਾ ਦੀ ਤਿੰਨ ਰੋਜ਼ਾ 14 ਵੀਂ ਰਾਸ਼ਟਰੀ ਸਭਿਆਚਾਰਕ ਕਾਨਫਰੰਸ

ipta-2016ਸਮਾਜਿਕ ਤਬਦੀਲੀ ਲਈ ਰੰਗਮੰਚ ਇਕ ਸ਼ਕਤੀਸ਼ਾਲੀ ਅਤੇ ਅਸਰਦਾਰ ਹਥਿਆਰ- ਡਾ.ਰਣਬੀਰ ਸਿੰਘ
ਇਪਟਾ ਤੋਂ ਤੁਹਾਨੂੰ ਜ਼ਿੰਦਗੀ ਦੀ ਕਦਰਾ-ਕੀਮਤਾ ਸਿਖਣ ਨੂੰ ਮਿਲਦੀਆਂ ਹਨ-ਰਾਕੇਸ਼

ਇਨਸਾਨੀ ਤੰਦਰੁਸਤੀ ਲਈ ਸ਼ੁੱਧ ਖਾਦ-ਖੁਰਾਕ, ਆਬੋ-ਹਵਾ ਤੇ ਜ਼ਹਿਨੀ ਤੰਦਰੁਸਤੀ ਲਈ ਨਿਰੋਏ ਸਭਿਆਚਾਰ ਦੀ ਲੋੜ-ਸੰਜੀਵਨ
ਇੰਦੋਰ (ਵਤਨ ਬਿਉਰੋ) ਸਭ ਲਈ ਸੁੰਦਰ ਸੰਸਾਰ ਦੀ ਕਾਮਨਾ ਕਰਦਾ ਅਤੇ ਕਲਾ ਲੋਕਾਂ ਲਈ ਦਾ ਆਪਣਾ ਪ੍ਰਣ ਦੁਹਰਾਉਂਦਾ ਇਪਟਾ ਦਾ ਤਿੰਨ ਰੋਜ਼ਾ ਰਾਸ਼ਟਰੀ ਸਭਿਆਚਾਰਕ ਅਤੇ 14 ਵੀਂ ਰਾਸ਼ਟਰੀ ਕਾਨਫਰੰਸ ਜੋ ਇੰਦੋਰ (ਮੱਧ-ਪ੍ਰਦੇਸ) ਵਿਖੇ ਭਾਰਤ ਦੇ ਹਰ ਖਿਤੇ ਦੇ ਸਭਿਆਚਾਰਕ ਰੰਗ ਬਿਖੇਰਦੀ ਸ਼ਾਨੋ-ਸ਼ੌਕਤ ਨਾਲ ਨੇਪਰੇ ਚੜੀ।ਭਾਰਤੀ ਸਭਿਆਚਾਰ ਦੇ ਇਸ ਮਹਾਂ ਕੁੰਭ ਦਾ ਆਗ਼ਾਜ਼ ਫਿਲਮਕਾਰ ਅਤੇ ਰਾਸ਼ਟਰੀ ਇਪਟਾ ਦੇ ਅਹਿਮ ਕਾਰਕੁਨ ਐਮ.ਐਸ. ਸੈਥਊ ਤੇ ਪੇਰਿਨ ਦਾਜੀ ਨੇ ਸਾਂਝੇ ਤੌਰ ‘ਤੇ ਝੰਡਾ ਲਹਿਰਾ ਕੇ ਕੀਤਾ ਅਤੇ ਇਪਟਾ ਦਾ ਝੰਡਾ ਗੀਤ ਇਪਟਾ, ਅਸ਼ੋਕ ਨਗਰ (ਮੱਧ-ਪ੍ਰਦੇਸ) ਇਪਟਾ, ਬਿਹਾਰ ਨੇ ਪੇਸ਼ ਕੀਤਾ।ਵੱਖ-ਵੱਖ ਰਾਜਾਂ ਦੇ ਚਿੱਤਰਕਾਰਾਂ ਦੇ ਚਿੱਤਰਾਂ ਦੀ ਪ੍ਰਦਰਸ਼ਨੀ ਦਾ ਉਦਘਾਟਨ ਉੱਘੇ ਫਿਲਮ ਅਭੀਨੇਤਾ, ਨਾਟਕਰਮੀ ਅਤੇ ਰਾਸ਼ਟਰੀ ਇਪਟਾ ਦੇ ਮੀਤ-ਪ੍ਰਧਾਨ ਅੰਜਨ ਸ਼੍ਰੀ ਵਾਸਤਵ ਨੇ ਕੀਤਾ। Continue reading “ਸਭ ਲਈ ਸੁੰਦਰ ਸੰਸਾਰ ਦੀ ਕਾਮਨਾ – ਇਪਟਾ ਦੀ ਤਿੰਨ ਰੋਜ਼ਾ 14 ਵੀਂ ਰਾਸ਼ਟਰੀ ਸਭਿਆਚਾਰਕ ਕਾਨਫਰੰਸ”

ਮੈਂ ਹਮੇਸ਼ਾਂ ਸੁੱਥਰੀ , ਸਿਹਤਮੰਦ ਅਤੇ ਲੋਕਾਂ ਦੀ ਬਾਤ ਪਾਉਂਦੀ ਗਾਇਕੀ ਨੂੰ ਦਿਤੀ ਤਰਜੀਹ- ਗੁਰਦੀਪ ਭੁੱਲਰ

gurdip-bhullarਪੰਜਾਬੀ ਗਾਇਕੀ ਵਿਚ ਗੰਧਲੇਪਨ ਨੂੰ ਠੱਲ ਪਾਉਂਣ ਵਾਸਤੇ ਸੈਂਸਰ ਬੋਰਡ ਬਣਾਉਣਾਂ ਮੇਰੀ ਪਹਿਲ- ਸਤਦਿੰਰ ਸੱਤੀ

 

ਪੰਜਾਬੀ ਰੰਗਮੰਚ, ਸਭਿਆਚਾਰ ਅਤੇ ਭਾਸ਼ਾ ਲਈ ਕੈਨੇਡਾ ਵਿਚ ਯਤਨਸ਼ੀਲ ਨਾਟਕ, ਗਾਇਕੀ ਅਤੇ ਫਿਲਮ ਦੇ ਖੇਤਰ ਵਿਚ ਨਾਮਣਾ ਖੱਟ ਚੁੱਕੇ ਗੁਰਦੀਪ ਭੁੱਲਰ ਜੋ  ਸਰੀ, ਕੈਨੇਡਾ ਰਂਿਹੰਦੇ ਹਨ ਨੇ ਪੰਜਾਬ ਕਲਾ ਭਵਨ ਦੇ ਵਿਹੜੇ ਵਿਚ ਸਰੋਤਿਆ ਦੇ ਰੂ-ਬ-ਰੂ ਹੁੰਦੇ ਕਿਹਾ ਕਿ ਮੈਂ ਹਮੇਸ਼ਾਂ ਸੁੱਥਰੀ, ਸਿਹਤਮੰਦ ਅਤੇ ਲੋਕਾਂ ਦੀ ਬਾਤ ਪਾਉਂਦੀ ਗਾਇਕੀ ਨੂੰ ਦਿਤੀ ਤਰਜੀਹ ਦਿੱਤੀ ਹੈ।ਮੈਂਨੂੰ ਸੰਗੀਤ ਦੀ ਗੁੱੜਤੀ ਆਪਣੇ ਪਿਤਾ ਜੀ ਪਾਸੋਂ ਮਿਲੀ।ਕੈਨੇਡਾ ਵਰਗੇ ਮੁਲਕਾਂ ਵਿਚ ਕਲਾ ਦੀ ਜਿੰਨੀ ਕਦਰ ਹੈ ਓਨੀ ਕਦਰ ਹਾਲੇ ਸਾਡੇ ਆਪਣੇ ਮੁਲਕ ਵਿਚ ਨਹੀਂ ਪੈਣ ਲੱਗੀ।ਭਾਰਤ ਵਿਚ ਕੋਈ ਵੀ ਫਨਕਾਰ ਆਪਣੇ ਫ਼ਨ ਦੀ ਬਦੌਲਤ ਤਮਾਮ ਜ਼ਿੰਦਗੀ ਬਸਰ ਨਹੀਂ ਕਰ ਸਕਦਾ ਪਰ ਬਾਹਰੇ ਮੁਲਕਾਂ ਵਿਚ ਕਲਾਕਾਰ ਨੂੰ ਉਸਦੀ ਕਲਾ ਜ਼ਿੰਦਗੀ ਦੀਆਂ ਸਭ ਸੁੱਖ-ਸਹੂਲਤਾਂ ਮੁਹਇਆ ਕਰਵਾ ਦਿੰਦੀ ਹੈ।ਸਰੀ ਵਿਚ ਮੈਂ ਬੱਚਿਆਂ ਅਤੇ ਨੌਜਵਾਨਾਂ ਨੂੰ ਪੰਜਾਬੀ ਵਿਰਸੇ, ਸਭਿਆਚਾਰ ਅਤੇ ਰੰਗਮੰਚ ਨਾਲ ਜੋੜਣ ਲਈ ਗਰਦੀਪ ਆਰਟ ਸੈਂਟਰ ਰਾਂਹੀ ਸਿਖਲਾਈ ਦਿੰਦਾ ਹਾਂ ਅਤੇ ਵੱਡੇ ਪੱਧਰ ’ਤੇ ਪੰਜਾਬੀਅਤ ਨੂੰ ਪੇਸ਼ ਕਰਦੇ ਸਭਿਆਚਾਰਕ ਸਮਾਗਮਾਂ ਅਤੇ ਨਾਟਕਾਂ ਦੇ ਅਯੋਜਨ ਕਰਦਾ ਹਾਂ।ਇਹ ਸਾਰੇ ਅਯੋਜਨ ਟਿਕਟਾਂ ਉਪਰ ਹੁੰਦੇ ਹਨ।ਇਸ ਦੌਰਾਨ ਗੁਰਦੀਪ ਨੇ ਪੰਜਾਬੀ ਦੇ ਨਾਮਵਰ ਸ਼ਾਇਰ ਸਵਰਗੀ ਸ਼ਿਵ ਬਟਾਲਵੀ ਅਤੇ ਗੁਰਚਰਨ ਰਾਮਪੁਰੀ (ਕੈਨੇਡਾ) ਦੇ ਗੀਤ ਵੀ ਸੁਣਾਏ। Continue reading “ਮੈਂ ਹਮੇਸ਼ਾਂ ਸੁੱਥਰੀ , ਸਿਹਤਮੰਦ ਅਤੇ ਲੋਕਾਂ ਦੀ ਬਾਤ ਪਾਉਂਦੀ ਗਾਇਕੀ ਨੂੰ ਦਿਤੀ ਤਰਜੀਹ- ਗੁਰਦੀਪ ਭੁੱਲਰ”

ਸਾਇਰਸ ਮਿਸਤਰੀ ਨੂੰ ਨਜ਼ਰਅੰਦਾਜ਼ ਕਰਨਾ ਟਾਟਾ ਲਈ ਸੰਭਵ ਨਹੀਂ

cyrus-mistryਸ਼ਾਇਦ ਤੁਹਾਨੂੰ ਇਹ ਸੁਣਕੇ ਥੋੜ੍ਹਾ ਅਜੀਬ ਲੱਗੇ ਕਿ ਟਾਟਾ ਸਮੂਹ ਦੇ ਚੇਅਰਮੈਨ ਪਦ ਤੋਂ ਹਟਾਏ ਜਾਣ ਦੇ ਬਾਵਜੂਦ ਸਾਇਰਸ ਮਿਸਤਰੀ ਹੁਣ ਵੀ ਕੰਪਨੀ ਦੇ ਅਟੁੱਟ ਹਿੱਸਾ ਬਣੇ ਹੋਏ ਹਨ ।
ਪਰ ਇਹ ਕਰੀਬ ਸਾਢੇ ਛੇ ਲੱਖ ਕਰਮੀਆਂ ਵਾਲੇ ਟਾਟਾ ਸਮੂਹ ਕੀਤੀ ਇੱਕ ਅਜਿਹੀ ਸਚਾਈ ਹੈ ਜਿਨੂੰ ਪਚਿਆ ਪਾਉਣਾ ਮੁਸ਼ਕਲ ਹੈ।
ਕਿਉਂਕਿ ਹੁਣ ਤੱਕ ਸਾਇਰਸ ਮਿਸਤਰੀ ਦੇ ਹਟਾਏ ਜਾਣ ਦੇ ਬਾਅਦ ਦੁਨੀਆ ਭਰ ਕੀਤੀ ਮੀਡੀਆ ਵਿੱਚ ਇਸ ਬੇਇੱਜ਼ਤੀ ਅਤੇ ਉਪੇਕਸ਼ਾ ਨੂੰ ਲੈ ਕੇ ਹੀ ਗੱਲਾਂ ਹੁੰਦੀ ਰਹੀ ਹਨ ।
ਟਾਟਾ ਸਮੂਹ ਦੇਸ਼ ਦਾ ਸਭ ਤੋਂ ਬਹੁਤ ਬਿਜ਼ਨਸ ਸਮੂਹ ਹੈ । ਸੌ ਤੋਂ ਜ਼ਿਆਦਾ ਕੰਪਨੀਆਂ ਵਿੱਚ ਟਾਟਾ ਦੀ ਹਿੱਸੇਦਾਰੀ ਹੈ।
ਅਤੇ ਹੁਣੇ ਵੀ ਇਹਨਾਂ ਵਿਚੋਂ ਜ਼ਿਆਦਾਤਰ ਵੱਡੀ ਕੰਪਨੀਆਂ ਕੀਤੀ ਵਾਗਡੋਰ ਜਾਂ ਉਨ੍ਹਾਂ ਦੇ ਬੋਰਡ ਵਿੱਚ ਸਾਇਰਸ ਮਿਸਰੀ ਸ਼ਾਮਿਲ ਹਨ ।
ਟਾਟਾ ਦੇ ਗੌਰਵਸ਼ਾਲੀ 148 ਸਾਲ ਦੇ ਇਤਿਹਾਸ ਵਿੱਚ ਸਾਇਰਸ ਮਿਸਤਰੀ ਦਾ ਇਵੇਂ ਹਟਾਇਆ ਜਾਣਾ ਉਸ ਦੇ ਦਾਮਨ ਉੱਤੇ ਲੱਗੇ ਦਾਗ਼ ਦੀ ਤਰ੍ਹਾਂ ਹੈ ।
ਸਾਇਰਸ ਮਿਸਰੀ ਨੇ ਬੋਰਡ ਨੂੰ ਭੇਜੇ ਗਏ ਪੰਜ ਪੰਨਿਆਂ ਦੇ ਇੱਕ ਈਮੇਲ ਵਿੱਚ ਲਿਖਿਆ ਸੀ ਕਿ ਲਗਾਤਾਰ ਉਨ੍ਹਾਂ ਦੇ ਕੰਮ ਵਿੱਚ ਦਖ਼ਲਅੰਦਾਜ਼ੀ ਕੀਤੀ ਜਾ ਰਹੀ ਸੀ ਜਿਸ ਦੇ ਨਾਲ ਚੇਅਰਮੈਨ ਪਦ ਉੱਤੇ ਉਨ੍ਹਾਂ ਦੀ ਹਾਲਤ ਕਮਜ਼ੋਰ ਹੋ ਰਹੀ ਸੀ । Continue reading “ਸਾਇਰਸ ਮਿਸਤਰੀ ਨੂੰ ਨਜ਼ਰਅੰਦਾਜ਼ ਕਰਨਾ ਟਾਟਾ ਲਈ ਸੰਭਵ ਨਹੀਂ”

ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਸਥਾਪਨਾ ਕਿਵੇਂ ਹੋਈ?

sgpcਬਿਨਾਂ ਸ਼ੱਕ ਮਹਾਰਾਜਾ ਰਣਜੀਤ ਸਿੰਘ ਗੁਰੂ-ਘਰ ਦਾ ਬੜਾ ਪ੍ਰੇਮੀ ਸੀ ਅਤੇ ਉਸ ਦੀ ਹਕੂਮਤ ਦੌਰਾਨ ਗੁਰੂ-ਘਰਾਂ ਅਤੇ ਗੁਰਦੁਆਰਿਆਂ ਦਾ ਪ੍ਰਬੰਧ ਬੜੇ ਸੁਚਾਰੂ ਢੰਗ ਨਾਲ ਚਲਦਾ ਰਿਹਾ | ਇਹ ਮਹਾਰਾਜਾ ਰਣਜੀਤ ਸਿੰਘ ਹੀ ਸੀ, ਜਿਸ ਨੇ ਨਾ ਕੇਵਲ ਗੁਰਦੁਆਰਿਆਂ ਦੇ ਨਾਂਅ ਸੈਂਕੜੇ ਏਕੜ ਜ਼ਮੀਨ ਲਵਾਈ, ਸਗੋਂ ਗੁਰੂ-ਘਰਾਂ ਦੇ ਠੀਕ ਪ੍ਰਬੰਧਾਂ ਵੱਲ ਵੀ ਉਚੇਚਾ ਧਿਆਨ ਦਿੱਤਾ | ਬਦਬਖ਼ਤੀ ਪਰ ਇਹ ਹੋਈ ਕਿ ਮਹਾਰਾਜਾ ਰਣਜੀਤ ਸਿੰਘ ਦੇ ਦਿਹਾਂਤ ਉਪਰੰਤ ਦੇਖਦਿਆਂ-ਦੇਖਦਿਆਂ ਸਿੱਖ ਰਾਜ ਸਮਾਪਤ ਹੋ ਗਿਆ ਅਤੇ ਪੰਜਾਬ ਸਮੇਤ ਪੂਰੇ ਦੇਸ਼ ਦੀ ਵਾਗਡੋਰ ਅੰਗਰੇਜ਼ਾਂ ਨੇ ਸੰਭਾਲ ਲਈ | ਸਿੱਟਾ ਇਸ ਦਾ ਕੀ ਹੋਣ ਲੱਗਾ ਕਿ ਜਿਨ੍ਹਾਂ ਗੁਰਦੁਆਰਿਆਂ ਵਿਚ ਸਿੱਖ ਧਰਮ ਦਾ ਪ੍ਰਚਾਰ-ਪ੍ਰਸਾਰ ਹੁੰਦਾ ਸੀ, ਉਨ੍ਹਾਂ ਵਿਚ ਅੰਗਰੇਜ਼ਾਂ ਨੇ ਆਪਣੇ ਪਿੱਠੂ ਪੁਜਾਰੀ ਅਤੇ ਮਹੰਤ ਵਾੜਨੇ ਸ਼ੁਰੂ ਕਰ ਦਿੱਤੇ | ਇਸ ਨਾਲ ਗੁਰਦੁਆਰਾ ਪ੍ਰਬੰਧ ਵਿਚ ਗਿਰਾਟ ਆਉਣੀ ਯਕੀਨੀ ਸੀ ਅਤੇ ਉਹ ਆਈ ਵੀ, ਕਿਉਂਕਿ ਇਨ੍ਹਾਂ ਮਹੰਤਾਂ ਨੇ ਗੁਰੂ-ਘਰਾਂ ਨੂੰ ਆਪਣੀ ਅੱਯਾਸ਼ੀ ਦੇ ਅੱਡੇ ਬਣਾਉਣਾ ਸ਼ੁਰੂ ਕਰ ਦਿੱਤਾ ਸੀ | ਇਸ ਨਾਲ ਗੁਰੂ-ਘਰ ਦੇ ਪ੍ਰੇਮੀਆਂ ਦੇ ਹਿਰਦੇ ਵਲੰੂਧਰੇ ਜਾਣੇ ਸੁਭਾਵਿਕ ਸੀ | ਅੱਕ-ਹਾਰ ਕੇ ਕਈ ਸਿੱਖ ਸ਼ਰਧਾਲੂਆਂ ਨੇ 15 ਨਵੰਬਰ, 1920 ਨੂੰ ਅੰਮਿ੍ਤਸਰ ਵਿਖੇ ਹੀ ਇਕ ਇਕੱਠ ਬੁਲਾ ਕੇ ਇਸ ਬੁਰਾਈ ਨਾਲ ਲੜਨ ਦਾ ਰਾਹ ਲੱਭਣ ਦੀ ਕੋਸ਼ਿਸ਼ ਕੀਤੀ | ਇਸ ਇਕੱਠ ਨੂੰ ਸਿੱਖਾਂ ਵੱਲੋਂ ਬੜਾ ਭਰਵਾਂ ਹੁੰਗਾਰਾ ਦਿੱਤਾ ਗਿਆ | Continue reading “ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਸਥਾਪਨਾ ਕਿਵੇਂ ਹੋਈ?”

‘ਅਕਾਲ ਚੈਨਲ’ ਨੂੰ ਮਿਲਿਆ ‘ਦੀ ਸਿੱਖ ਐਵਾਰਡ 2016’

ਲੈਸਟਰ (ਇੰਗਲੈਂਡ)-ਇੰਗਲੈਂਡ ‘ਚ ਪਿਛਲੇ ਕੁਝ ਸਾਲਾਂ ਤੋਂ ਸ਼ੁਰੂ ਹੋਏ 106 ਦੇਸ਼ਾਂ ‘ਚ ਚੱਲਦੇ ਪੰਜਾਬੀ ਚੈਨਲ ‘ਅਕਾਲ ਚੈਨਲ’ ਸਕਾਈ 843 ਵੱਲੋਂ ਪਿਛਲੇ ਥੋੜ੍ਹੇ ਸਮੇਂ ‘ਚ ਕੀਤੀਆਂ ਪ੍ਰਾਪਤੀਆਂ ਅਤੇ ਸਿੱਖੀ ਦੇ ਪ੍ਰਚਾਰ ਅਤੇ ਪ੍ਰਸਾਰ ਲਈ ਕੀਤੇ ਕਾਰਜਾਂ ਬਦਲੇ ਲੰਡਨ ਦੇ ਹੋਟਲ ਪਾਰਕ ਪਲਾਜ਼ਾ ‘ਚ ਹੋਏ ਐਵਾਰਡ ਸਮਾਰੋਹ ਮੌਕੇ ‘ਅਕਾਲ ਚੈਨਲ’ ਦੇ ਐਮ. ਡੀ. ਅਮਰੀਕ ਸਿੰਘ ਕੂਨਰ ਨੂੰ ‘ਦੀ ਸਿੱਖ ਐਵਾਰਡ 2016’ ਨਾਲ ਨਿਵਾਜਿਆ ਗਿਆ | ਜ਼ਿਕਰਯੋਗ ਹੈ ਕਿ ‘ਅਕਾਲ ਚੈਨਲ’ ਵੱਲੋਂ ਪਿਛਲੇ ਸਮੇਂ ਦੌਰਾਨ ਪੰਜਾਬ ਅਤੇ ਹੋਰ ਸੂਬਿਆਂ ‘ਚ ਗ਼ਰੀਬ ਅਤੇ ਬੇਸਹਾਰਾ ਵੱਖ-ਵੱਖ ਬਿਮਾਰੀਆਂ ਤੋਂ ਪੀੜਤ ਮਰੀਜ਼ਾਂ ਦੇ ਇਲਾਜ ਲਈ ਕਾਰਜ ਕੀਤੇ ਜਾ ਰਹੇ ਹਨ | ‘ਅਕਾਲ ਚੈਨਲ’ ਨੂੰ ਇਹ ਐਵਾਰਡ ਮਿਲਣ ‘ਤੇ ਜਗਜੀਤ ਸਿੰਘ ਚੈਨਲ ਕੰਟਰੋਲਰ, ਰਵੀ ਹਰਸ਼, ਸਵਿੰਦਰ ਸਿੰਘ ਰੰਧਾਵਾ ਗਦਰਜਾਦਾ ਸਮੇਤ ਵੱਖ-ਵੱਖ ਸ਼ਖ਼ਸੀਅਤਾਂ ਨੇ ‘ਅਕਾਲ ਚੈਨਲ’ ਦੇ ਐਮ. ਡੀ. ਅਮਰੀਕ ਸਿੰਘ ਕੂਨਰ ਨੂੰ ਇਹ ਐਵਾਰਡ ਮਿਲਣ ‘ਤੇ ਸ਼ੁੱਭਕਾਮਨਾਵਾਂ ਦਿੱਤੀਆਂ ਅਤੇ ਵਧਾਈ ਦਿੱਤੀ ਅਤੇ ‘ਅਕਾਲ ਚੈਨਲ’ ਵੱਲੋਂ ਕੀਤੇ ਜਾ ਰਹੇ ਕਾਰਜਾਂ ਦੀ ਸ਼ਲਾਘਾ ਕੀਤੀ | ਇਸ ਮੌਕੇ ਅਮਰੀਕ ਸਿੰਘ ਕੂਨਰ ਨੇ ‘ਅਕਾਲ ਚੈਨਲ’ ਦੀਆਂ ਸਮੂਹ ਟੀਮਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ‘ਅਕਾਲ ਚੈਨਲ’ ਇਸੇ ਤਰ੍ਹਾਂ ਗ਼ਰੀਬਾਂ ਅਤੇ ਲੋੜਵੰਦਾਂ ਦੀ ਸਹਾਇਤਾ ਕਰਦਾ ਰਹੇਗਾ |

ਪਿ੍ਅੰਕਾ ਚੋਪੜਾ ਨੇ ਜਾਰੀ ਕੀਤਾ ਪੰਜਾਬੀ ਫਿਲਮ ‘ਸਰਵਣ’ ਦਾ ਪ੍ਰੋਮੋ

1570262__d68361350ਟੋਰਾਂਟੋਂ (ਹਰਜੀਤ ਸਿੰਘ ਬਾਜਵਾ)- ਬੀ. ਐਮ. ਓ. ਪੰਜਾਬੀ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਟੋਰਾਂਟੋਂ ਅਤੇ ਪੰਜਾਬੀ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਸਾਊਥ ਏਸ਼ੀਆ ਟੋਰਾਂਟੋਂ (ਇਫਸਾ) ਵੱਲੋਂ ਕਰਵਾਏ ਜਾ ਰਹੇ ਸਮਾਗਮਾਂ ਦੀ ਲੜੀ ਵਿਚ ਅੱਜ ਮਿਸੀਸਾਗਾ ਦੇ ਹਿਲਟਨ ਹੋਟਲ ਵਿਚ ਇਕ ਪ੍ਰੈੱਸ ਮਿਲਣੀ ਦੌਰਾਨ ਬਾਲੀਵੁੱਡ ਅਭਿਨੇਤਰੀ ਪਿ੍ਅੰਕਾ ਚੋਪੜਾ ਪੱਤਰਕਾਰਾਂ ਦੇ ਰੂਬਰੂ ਹੋਈ ਅਤੇ ਉਨ੍ਹਾਂ ਦੇ ਪਰਿਵਾਰ ਦੇ ਪ੍ਰੋਡਕਸ਼ਨ ਹਾਊਸ ਵੱਲੋਂ ਪੰਜਾਬੀ ਗਾਇਕ ਅਮਰਿੰਦਰ ਗਿੱਲ ਨੂੰ ਲੈ ਕੇ ਬਣਾਈ ਗਈ ਪੰਜਾਬੀ ਫਿਲਮ ‘ਸਰਵਣ’ ਦਾ ਪ੍ਰੋਮੋ ਇੱਥੇ ਵਿਸ਼ਵ ਪੱਧਰ ‘ਤੇ ਲਾਂਚ ਕੀਤਾ ਗਿਆ | ਇੱਥੇ ਰੱਖੇ ਪਭਾਵਸ਼ਾਲੀ ਸਮਾਗਮ ਦੌਰਾਨ ਫਿਲਮ ਦੇ ਅਦਾਕਾਰ ਅਮਰਿੰਦਰ ਗਿੱਲ ਅਤੇ ਅਦਾਕਾਰਾ ਪਿ੍ਅੰਕਾ ਚੋਪੜਾ ਢੋਲ ਦੀ ਤਾਲ ‘ਤੇ ਹਾਲ ਦੇ ਅੰਦਰ ਆਏ ਅਤੇ ਫਿਲਮ ਬਾਰੇ ਗੱਲ ਕਰਦਿਆਂ ਪਿ੍ਅੰਕਾ ਚੋਪੜਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ ਵੱਲੋਂ ਬਣਾਈ ਇਸ ਪੰਜਾਬੀ ਫਿਲਮ ‘ਤੇ ਉਨ੍ਹਾਂ ਨੂੰ ਬਹੁਤ ਆਸਾਂ ਹਨ ਅਤੇ ਬਾਲੀਵੁੱਡ ਦੇ ਹਾਣ ਦੀ ਬਣੀ ਇਸ ਫਿਲਮ ਨੂੰ ਜਦੋਂ ਲੋਕ ਦੇਖਣਗੇ ਤਾਂ ਉਨ੍ਹਾਂ ਨੂੰ ਦੂਜੀਆਂ ਫਿਲਮਾਂ ਨਾਲੋਂ ਵਖਰੇਵਾਂ ਅਤੇ ਵਧੀਆਪਨ ਆਪਣੇ-ਆਪ ਹੀ ਨਜ਼ਰ ਆ ਜਾਵੇਗਾ | ਉਨ੍ਹਾਂ ਆਖਿਆ ਕਿ ਇਹ ਫਿਲਮ ਲੋਹੜੀ ਮੌਕੇ ਸਿਨੇਮਿਆਂ ਦਾ ਸ਼ਿੰਗਾਰ ਬਣੇਗੀ ਅਤੇ ਉਨ੍ਹਾਂ ਆਸ ਪ੍ਰਗਟਾਈ ਕਿ ਇਹ ਫਿਲਮ ਲੋਕਾਂ ਦੀਆਂ ਉਮੀਦਾਂ ‘ਤੇ ਜ਼ਰੂਰ ਖਰੀ ਉੱਤਰੇਗੀ | ਇਸ ਮੌਕੇ ਅਮਰਿੰਦਰ ਗਿੱਲ ਨੇ ਆਖਿਆ ਕਿ ਮੈਨੂੰ ਗਾਇਕੀ ਅਤੇ ਫਿਲਮਾਂ ਵਿਚ ਲੋਕਾਂ ਨੇ ਭਰਪੂਰ ਪਿਆਰ ਦਿੱਤਾ ਹੈ ਅਤੇ ਸਾਨੂੰ ਉਮੀਦ ਹੈ ਇਸ ਫਿਲਮ ਨੂੰ ਵੀ ਲੋਕ ਭਰਵਾਂ ਹੁੰਗਾਰਾ ਦੇਣਗੇ |

ਸਿਆਸਤ ਤੇ ਖੇਡਾਂ ਵਿੱਚ ਧੂੜ੍ਹਾਂ ਪੁੱਟਣ ਵਾਲੀ ਬੇਤੀਆ

ਰੀਓ ਓਲੰਪਿਕ ’ਚ ਸਪੇਨ ਦੀ ਬੇਤੀਆ ਰੁੱਥ ਨੇ 37 ਸਾਲ ਦੀ ਉਮਰ ’ਚ ਉੱਚੀ ਛਾਲ ਮੁਕਾਬਲੇ ਵਿੱਚ ਸੋਨ ਤਗ਼ਮਾ ਜਿੱਤ ਕੇ ਖੇਡ ਹਲਕਿਆਂ ’ਚ ਨਵੀਂ ਮਿਸਾਲ ਪੈਦਾ ਕੀਤੀ ਹੈ। ਸਪੈਨਿਸ਼ ਅਥਲੀਟ ਬੇਤੀਆ ’ਤੇ ਰੀਓ ਵਿੱਚ ਓਲੰਪਿਕ ਚੈਂਪੀਅਨ ਦੀ ਮੋਹਰ ਲਗਾਤਾਰ ਤਿੰਨ ਓਲੰਪਿਕ ਟੂਰਨਾਮੈਂਟਾਂ ’ਚ ਕੋਈ ਵੀ ਤਗ਼ਮਾ ਜਿੱਤਣ ਤੋਂ ਨਾਕਾਮ ਰਹਿਣ ਤੋਂ ਬਾਅਦ ਲੱਗੀ ਹੈ। ਜ਼ਿਕਰਯੋਗ ਹੈ ਕਿ ਬੇਤੀਆ ਨੂੰ ਰੀਓ ਤੋਂ ਪਹਿਲਾਂ ਤਿੰਨ ਓਲੰਪਿਕ ਖੇਡਾਂ ਏਥਨਜ਼-2004 ’ਚ 1.89 ਮੀਟਰ ਛਾਲ ਨਾਲ 16ਵਾਂ, ਪੇਈਚਿੰਗ-2008 ’ਚ 1.96 ਮੀਟਰ ਨਾਲ 7ਵਾਂ ਅਤੇ ਲੰਡਨ-2012 ਓਲੰਪਿਕ ’ਚ 2.00 ਮੀਟਰ ਛਾਲ ਲਾਉਣ ’ਤੇ ਚੌਥਾ ਸਥਾਨ ਮਿਲਿਆ ਸੀ।
ਬੇਤੀਆ ਨੂੰ ਲੰਡਨ ਓਲੰਪਿਕ ’ਚ ਤਗ਼ਮਾ ਜਿੱਤਣ ਦੀ ਪੂਰੀ ਉਮੀਦ ਸੀ ਪਰ ਚੌਥੇ ਸਥਾਨ ’ਤੇ ਰਹਿਣ ਕਰਕੇ ਇੱਕ ਵਾਰ ਉਸ ਨੇ ਮੈਦਾਨ ਤੋਂ ਸਦਾ ਲਈ ਕਿਨਾਰਾ ਕਰਨ ਦਾ ਫ਼ੈਸਲਾ ਕਰ ਲਿਆ ਸੀ। ਵਧਦੀ ਉਮਰ ਵੀ ਉਸ ਨੂੰ ਮੈਦਾਨ ਤੋਂ ਪਾਸੇ ਹੋਣ ਵੱਲ ਇਸ਼ਾਰਾ ਕਰ ਰਹੀ ਸੀ। ਪਰ ਬੇਤੀਆ ਦੇ ਪ੍ਰਸ਼ੰਸਕਾਂ ਨੇ ਉਸ ’ਤੇ ਇਹ ਕਹਿ ਕੇ ਫ਼ੈਸਲਾ ਬਦਲਣ ਲਈ ਦਬਾਅ ਪਾਇਆ ਕਿ ਹਰ ਓਲੰਪਿਕ ’ਚ ਉਸ ਦੀ ਰੈਂਕਿੰਗ ਸੁਧਰ ਰਹੀ ਹੈ, ਜਿਸ ਕਰਕੇ ਇਕ ਨਾ ਇਕ ਦਿਨ ਉਸ ਦੀ ਮਿਹਨਤ ਜ਼ਰੂਰ ਰੰਗ ਲਿਆਵੇਗੀ। ਅਖੀਰ ਬੇਤੀਆ ਰੀਓ ’ਚ 1.97 ਮੀਟਰ ਉੱਚੀ ਛਾਲ ਨਾਲ ਚੈਂਪੀਅਨ ਬਣ ਕੇ ਆਪਣੇ ਪ੍ਰਸ਼ੰਸਕਾਂ ਦੀਆਂ ਉਮੀਦਾਂ ’ਤੇ ਖਰੀ ਉਤਰੀ। ਬੇਤੀਆ ਦੀ ਰੀਓ ਵਿਚਲੀ ਬਿਹਤਰ ਕਾਰਗੁਜ਼ਾਰੀ ਬਾਰੇ ਖੇਡ ਹਲਕੇ ਇਸ ਕਰਕੇ ਹੈਰਾਨ ਹਨ ਕਿ ਵੱਧਦੀ ਉਮਰ ਤਗ਼ਮਾ ਜਿੱਤਣ ਦੇ ਉਸ ਦੇ ਰਾਹ ’ਚ ਰੋੜਾ ਨਹੀਂ ਬਣ ਸਕੀ। ਉਹ ਇਸ ਕਰਕੇ ਵੀ ਕਿਸਮਤ ਦੀ ਧਨੀ ਰਹੀ ਕਿਉਂਕਿ ਉਸ ਨੇ ਰੀਓ ਤੋਂ ਪਹਿਲਾਂ ਖੇਡੇ ਗਏ ਅੱਠ ਓਲੰਪਿਕ ਮੁਕਾਬਲਿਆਂ ਤੋਂ ਘੱਟ ਉਚਾਈ ਪਾਰ ਕਰ ਕੇ ਸੋਨ ਤਗ਼ਮਾ ਜਿੱਤਣ ਲਈ ਰਾਹ ਪੱਧਰਾ ਕੀਤਾ। Continue reading “ਸਿਆਸਤ ਤੇ ਖੇਡਾਂ ਵਿੱਚ ਧੂੜ੍ਹਾਂ ਪੁੱਟਣ ਵਾਲੀ ਬੇਤੀਆ”

ਭਾਰਤ ਵਿੱਚ ਸ਼ੁਰੂ ਹੋਵੇਗੀ ਸ਼ਰੀਅਤ ਬੈਂਕਿੰਗ ਪ੍ਰਣਾਲੀ

islam bankਨਵੀਂ ਦਿੱਲੀ-ਰਿਜ਼ਰਵ ਬੈਂਕ ਆਫ ਇੰਡੀਆ (ਆਰਬੀਆਈ) ਨੇ ਦੇਸ਼ ਵਿੱਚ ਸ਼ਰੀਅਤ ਅਨੁਕੂਲ ਜਾਂ ਵਿਆਜ ਮੁਕਤ ਬੈਂਕਿੰਗ ਲਈ ਰਵਾਇਤੀ ਬੈਂਕਾਂ ਵਿੱਚ ਹੌਲੀ ਹੌਲੀ ‘ਇਸਲਾਮਿਕ ਵਿੰਡੋ’ ਖੋਲ੍ਹਣ ਦੀ ਤਜਵੀਜ਼ ਪੇਸ਼ ਕੀਤੀ ਹੈ।
ਕੇਂਦਰ ਤੇ ਆਰਬੀਆਈ ਲੰਮੇ ਸਮੇਂ ਤੋਂ ਇਸਲਾਮਿਕ ਬੈਂਕਿੰਗ ਦੀ ਸ਼ੁਰੂਆਤ ਦੀਆਂ ਸੰਭਾਵਨਾਵਾਂ ਤਲਾਸ਼ ਰਹੀਆਂ ਹਨ ਤਾਂ ਕਿ ਧਾਰਮਿਕ ਕਾਰਨਾਂ ਕਰ ਕੇ ਬੈਂਕਿੰਗ ਸੇਵਾਵਾਂ ਤੋਂ ਦੂਰ ਸਮਾਜ ਦੇ ਇਨ੍ਹਾਂ ਵਰਗਾਂ ਨੂੰ ਵੀ ਵਿੱਤੀ ਪੱਖੋਂ ਮਜ਼ਬੂਤ ਕੀਤਾ ਜਾ ਸਕੇ। ਆਰਬੀਆਈ ਨੇ ਇਸ ਬਾਰੇ ਇਕ ਚਿੱਠੀ ਵਿੱਤ ਮੰਤਰਾਲੇ ਨੂੰ ਲਿਖੀ, ਜਿਸ ਦਾ ਉਤਾਰਾ ਆਰਟੀਆਈ ਦੇ ਜਵਾਬ ਵਿੱਚ ਪੀਟੀਆਈ ਨੂੰ ਮਿਲਿਆ। ਇਸ ਵਿੱਚ ਕਿਹਾ ਗਿਆ ਕਿ ਆਰਬੀਆਈ ਦਾ ਵਿਚਾਰ ਹੈ ਕਿ ਇਸਲਾਮਿਕ ਵਿੱਤ ਤੇ ਹੋਰ ਰੈਗੂਲੇਟਰੀ ਤੇ ਨਜ਼ਰਸਾਨੀ ਚੁਣੌਤੀਆਂ ਕਾਰਨ ਇਹ ਬਹੁਤ ਗੁੰਝਲਦਾਰ ਮਸਲਾ ਹੈ। ਇਸ ਤੋਂ ਇਲਾਵਾ ਭਾਰਤੀ ਬੈਂਕਾਂ ਨੂੰ ਇਸ ਖੇਤਰ ਦਾ ਤਜਰਬਾ ਵੀ ਨਹੀਂ। ਇਸ ਕਾਰਨ ਇਸਲਾਮਿਕ ਬੈਂਕਿੰਗ ਨੂੰ ਭਾਰਤ ਵਿੱਚ ਹੌਲੀ ਹੌਲੀ ਪੇਸ਼ ਕੀਤਾ ਜਾਵੇ।
ਸਰਕਾਰ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਕਰਨ ਮਗਰੋਂ ਮੁੱਢਲੇ ਤੌਰ ’ਤੇ ਇਸਲਾਮਿਕ ਵਿੰਡੋ ਰਾਹੀਂ ਰਵਾਇਤੀ ਬੈਂਕਿੰਗ ਸੇਵਾਵਾਂ ਜਿਹੀਆਂ ਕੁਝ ਕੁ ਸੇਵਾਵਾਂ ਹੀ ਦਿੱਤੀਆਂ ਜਾਣਗੀਆਂ। ਸਮਾਂ ਬੀਤਣ ਨਾਲ ਜਿਉਂ ਜਿਉਂ ਇਸ ਖੇਤਰ ਵਿੱਚ ਤਜਰਬਾ ਵਧੇਗਾ, ਉੁਸ ਦੇ ਆਧਾਰ ਉਤੇ ਪੂਰੀ ਤਰ੍ਹਾਂ ਇਸਲਾਮਿਕ ਬੈਂਕਿੰਗ ਪ੍ਰਣਾਲੀ ਨੂੰ ਅਪਣਾ ਲਿਆ ਜਾਵੇਗਾ।
ਇਸਲਾਮਿਕ ਜਾਂ ਸ਼ਰੀਅਤ ਬੈਂਕਿੰਗ ਪ੍ਰਣਾਲੀ ਵਿਆਜ ਮੁਕਤ ਸਿਧਾਂਤਾਂ ਉਤੇ ਆਧਾਰਤ ਹੈ ਕਿਉਂਕਿ ਇਸਲਾਮ ਵਿੱਚ ਵਿਆਜ (ਸੂਦ) ਦੀ ਮਨਾਹੀ ਹੈ।

ਹੁਣ ਨਹੀਂ ਵੱਸਦਾ ਪਿੰਡਾਂ ਵਿੱਚ ਰੱਬ

village of punjab

ਸਮਾਜ ਦਾ ਸਭਿਆਚਾਰ ਲਗਾਤਾਰ ਤੇਜ਼ੀ ਨਾਲ ਬਦਲਣ ਵਾਲਾ ਵਰਤਾਰਾ ਹੈ। ਤਕਨੀਕੀ ਵਿਕਾਸ ਵਿੱਚ ਹੋਏ ਇਨਕਲਾਬ ਨਾਲ ਮਨੁੱਖ ਦੀ ਵਰਤੋਂ ਦੀਆਂ ਚੀਜ਼ਾਂ ਤੇਜ਼ੀ ਨਾਲ ਬਦਲੀਆਂ ਹਨ। ਵਸਤਾਂ ਦਾ ਬਦਲਾਅ ਮਨੁੱਖੀ ਵਿਹਾਰ ਨੂੰ ਵੀ ਉਨੀ ਹੀ ਤੇਜ਼ੀ ਨਾਲ ਤਬਦੀਲ ਕਰਦਾ ਹੈ। ਤਬਦੀਲੀ ਦੇ ਇਸ ਵਰਤਾਰੇ ਨੂੰ ਜੇਕਰ ਅਸੀਂ ਪੰਜਾਬੀ ਸਮਾਜ ਦੇ ਸੰਦਰਭ ਵਿੱਚ ਵੇਖੀਏ ਤਾਂ ਇੱਥੇ ਹਰੇ, ਚਿੱਟੇ ਇਨਕਲਾਬ ਅਤੇ ਇਸ ਤੋਂ ਬਾਅਦ ਦੇ ਦੌਰ ਨੂੰ ਵੱਡੀਆਂ ਤਬਦੀਲੀਆਂ ਦਾ ਦੌਰ ਕਿਹਾ ਜਾ ਸਕਦਾ ਹੈ ਜਿਸ ਨਾਲ ਪੰਜਾਬੀ ਲੋਕਾਂ ਦਾ ਰਹਿਣ ਸਹਿਣ, ਸੁਭਾਅ, ਖਾਣ ਪੀਣ ਅਤੇ ਰਸਮਾਂ ਤੇਜ਼ੀ ਨਾਲ ਤਬਦੀਲ ਹੋਈਆਂ। ਖੇਤੀ ਦੇ ਸੰਦ ਅਤੇ ਇਸ ਨਾਲ ਜੁੜੇ ਕੰਮਕਾਜ, ਆਵਾਜਾਈ ਦੇ ਸਾਧਨ, ਵਿਆਹ ਸ਼ਾਦੀ ਦੀਆਂ ਰਸਮਾਂ, ਇੱਕ ਕਿਸਾਨ ਅਤੇ ਘਰ ਵਿੱਚ ਕੰਮ ਕਰਦੀ ਸੁਆਣੀ ਦੇ ਰੁਝੇਵੇਂ ਆਦਿ ਸਭ ਭਾਰਤ ਦੇ ਦੂਜੇ ਸੂਬਿਆਂ ਦੇ ਮੁਕਾਬਲੇ ਤੇਜ਼ੀ ਨਾਲ ਤਬਦੀਲ ਹੋਏ। Continue reading “ਹੁਣ ਨਹੀਂ ਵੱਸਦਾ ਪਿੰਡਾਂ ਵਿੱਚ ਰੱਬ”

rbanner1

Share
No announcement available or all announcement expired.