ਅਨੁਸ਼ਕਾ ਸ਼ਰਮਾ ਤਿਆਰੀ ਸ਼ਗਨਾਂ ਦੀ

ਦੀਵਾਲੀ ਤਾਂ ਲੰਘ ਗਈ ਤੇ ਕ੍ਰਿਸਮਸ ਦਾ ਅਨੁਸ਼ਕਾ ਸ਼ਰਮਾ ਨਾਲ ਕੋਈ ਖਾਸ ਲਗਾਓ ਨਹੀਂ ਹੈ। ਇਸ ਲਈ ਆ ਰਹੇ ਨਵੇਂ ਸਾਲ ਦਾ ਤੋਹਫ਼ਾ ਉਹ ਬੀ-ਟਾਊਨ ‘ਤੇ ਆਪਣੇ ਪ੍ਰਸੰਸਕਾਂ ਨੂੰ ਵਿਰਾਟ ਕੋਹਲੀ ਨਾਲ ਵਿਆਹ ਕਰਵਾ ਕੇ ਦੇ ਸਕਦੀ ਹੈ। ਸਭ ਠੀਕ-ਠਾਕ ਰਿਹਾ ਤਾਂ ਦਸੰਬਰ ‘ਚ ਅਨੂ ਤੇ ਵਿਰਾਟ ਦੀ ਸ਼ਾਦੀ ਧੂਮ-ਧਾਮ ਨਾਲ ਹੋਵੇਗੀ। ਅਨੁਸ਼ਕਾ ਦੇ ਕਹਿਣ ‘ਤੇ ਵਿਰਾਟ ਨੇ ਬੀ.ਸੀ.ਸੀ. ਆਈ ਨੂੰ ਅਰਜ਼ੀ ਦਿੱਤੀ ਹੈ ਕਿ ਦਸੰਬਰ ਮਹੀਨੇ ਦੀ ਛੁੱਟੀ ਉਸ ਨੂੰ ਚਾਹੀਦੀ ਹੈ। ਕਾਰਨ ‘ਨਿੱਜੀ’ ਲਿਖਿਆ ਹੈ। ਸਮਝ ਲਵੋ ਕਿ ਅਨੁਸ਼ਕਾ ਸ਼ਰਮਾ ਨੇ ਸਹੁਰੇ ਘਰ ਨਵਾਂ ਸਾਲ ਮਨਾਉਣ ਦਾ ਫੈਸਲਾ ਲੈ ਲਿਆ ਹੈ। ਅਨੁਸ਼ਕਾ ਸ਼ਰਮਾ ਵਿਆਹ ਤੋਂ ਪਹਿਲਾਂ ਕਰਨ ਜੌਹਰ ਆਦਿ ਨੂੰ ਮਿਲ ਰਹੀ ਹੈ। ਚਾਰ ਸਾਲ ਤੋਂ ਅਨੂ ਤੇ ਵਿਰਾਟ ਇਕ-ਦੂਜੇ ਲਈ ਬਣੇ ਹੋਏ ਹਨ। Continue reading “ਅਨੁਸ਼ਕਾ ਸ਼ਰਮਾ ਤਿਆਰੀ ਸ਼ਗਨਾਂ ਦੀ”

ਚੱਕਰ ਸਮੇਂ ਦੇ – ਸਿਧਾਰਥ ਮਲਹੋਤਰਾ ਪ੍ਰੇਸ਼ਾਨ ਹੈ

ਅੱਜਕਲ੍ਹ ਸਿਧਾਰਥ ਮਲਹੋਤਰਾ ਵੀ ਪ੍ਰੇਸ਼ਾਨ ਹੈ। ਉਹ ਵੀ ਕੁਝ ਜ਼ਿਆਦਾ ਹੀ ਕਿਉਂਕਿ ‘ਏ ਜੈਂਟਲਮੈਨ’ ਨੇ ਉਸ ਨੂੰ ਟਿਕਟ ਖਿੜਕੀ ਦਾ ‘ਏ ਜੈਂਟਲਮੈਨ’ ਨਹੀਂ ਬਣਾਇਆ। ਕੈਟਰੀਨਾ ਕੈਫ਼ ਨੇ ਵੀ ਸਿਧਾਰਥ ਨੂੰ ਨਾਂਹ-ਰੂਪੀ ਜਵਾਬ ਦਿੱਤਾ ਹੈ ਤੇ ਉਸ ਤੋਂ ਦੂਰ ਹੋ ਗਈ ਹੈ। ‘ਨੋ ਫਿਲਟਰ ਨੇਹਾ’ ਇਸ ਸ਼ੋਅ ‘ਚ ਸਿਧਾਰਥ ਆਪਣੀ ‘ਖਿੱਝ’ ਕੱਢਦਾ ਲੋਕਾਂ ਨੇ ਤੱਕਿਆ ਹੈ। ਕੈਟੀ, ਹੁਮਾ ਕਿਸੇ ਨਾਲ ਉਸ ਦੀ ਕੋਈ ਗੱਲ ਨਹੀਂ ਹੈ। ਹਾਂ, ਆਲੀਆ ਭੱਟ ਦਾ ਨਾਂਅ ਸੁਣਦੇ ਹੀ ਸਿਧਾਰਥ ਦੀ ਬੋਲੀ ਬਦਲ ਜਾਂਦੀ ਹੈ। ਆਲੀਆ ਲਈ ਕਈ ਵਾਰ ਤਾਰੀਫਾਂ ਦੇ ਪੁਲ ਸਿਧਾਰਥ ਨੇ ਬੰਨ੍ਹੇ ਹਨ। ਇਹ ਵੀ ਵੱਖਰੀ ਗੱਲ ਹੈ ਕਿ ਸਿਧਾਰਥ ਮਲਹੋਤਰਾ ਦਾ ਆਲੀਆ ਭੱਟ ਨਾਲ ਰਿਸ਼ਤਾ ਹੁਣ ਪਹਿਲਾਂ ਜਿਹਾ ਮਿੱਠਾ ਨਹੀਂ ਹੈ। ਇਧਰ ਸਿਧਾਰਥ ਮਲਹੋਤਰਾ ‘ਤੇ ਹੋਰ ਬਿਜਲੀ ਕੜਕ ਕੇ ਡਿੱਗੀ ਹੈ ਤੇ ‘ਇਤਫਾਕ’ ਦਾ ਬੁਰਾ ਹਾਲ ਹੋ ਗਿਆ ਹੈ। ਇਥੋਂ ਤੱਕ ਕਿ ਇਕ ਅੰਗਰੇਜ਼ੀ ਫ਼ਿਲਮ ‘ਥਾਰ’ ਦੇ ਸਾਹਮਣੇ ਸਿਧਾਰਥ ਦੀ ਇਹ ਫ਼ਿਲਮ ਬੁਰੀ ਤਰ੍ਹਾਂ ਫਲਾਪ ਰਹੀ ਹੈ। ਸਿਧਾਰਥ ਇਸ ਕਾਰਨ ਅੱਜਕਲ੍ਹ ਚੁੱਪ-ਚਾਪ ਆਪਣੇ ਮਿੱਤਰਾਂ ਤੋਂ ਵੀ ਦੂਰ ਹੈ। ਇਕ ਤਾਂ ਸਮੇਂ ਦੀ ਨਜ਼ਾਕਤ ਵੀ ਉਹ ਨਹੀਂ ਸਮਝਦਾ। ਹਰਿਆਣੇ ‘ਚ ਜਦ ‘ਸੱਚਾ ਸੌਦਾ’ ਡੇਰੇ ਦਾ ਰੌਲਾ ਸੀ ਤਾਂ ਉਸ ਨੇ ਟਵੀਟ ਕੀਤਾ ਸੀ ਕਿ ਸੁਰੱਖਿਅਤ ਰਹੋ ਤੇ ਮੇਰੀ ਫ਼ਿਲਮ ਦੇਖੋ। ਇਸੇ ਹੀ ਤਰ੍ਹਾਂ ਜਦ ਮੁੰਬਈ ਪਾਣੀ-ਪਾਣੀ ਸੀ ਤਦ ਸਿਧਾਰਥ ਮਲਹੋਤਰਾ ਨੇ ਟਵੀਟ ਕੀਤਾ ਕਿ ‘ਇਤਫਾਕ’ ਦੇਖੋ। ਲਓ ਜੀ ਇਥੇ ਹੀ ਬਸ ਨਹੀਂ ਡੇਜ਼ੀ ਸ਼ਾਹ ਦੇ ਕਾਰਨ ਸਿਧਾਰਥ ਹੋਰਾਂ ਨੇ ‘ਰੇਸ-3’ ਨੂੰ ਨਾਂਹ ਕਰ ਦਿੱਤੀ। ਪ੍ਰੇਸ਼ਾਨੀਆਂ ‘ਤੇ ਆਪ ਮੁੱਲ ਲਈਆਂ ਹਨ। ਸਿਧਾਰਥ ਨੂੰ ਤਾਂ ਪਹਿਲਾਂ ਕੈਟਰੀਨਾ-ਆਲੀਆ ਨੇ ਮਾਰਿਆ, ਫਿਰ ਪ੍ਰੇਸ਼ਾਨੀ ‘ਚ ਦਿਮਾਗੀ ਫੈਸਲਿਆਂ ਨੇ ਤੋਏ-ਤੋਏ ਕਰਵਾਈ ਤੇ ਸਿਧਾਰਥ ਮਲਹੋਤਰਾ ਹੁਣ ਅਰਸ਼ ਤੋਂ ਫਰਸ਼ ‘ਤੇ ਆਣ ਡਿੱਗਾ ਹੈ। ਕੁਝ ਚਿਰ ਚੁੱਪ ਹੀ ਰਹੇ ਤਾਂ ਬਿਹਤਰ ਹੈ। ਮਾੜਾ ਸਮਾਂ ਨਿਕਲ ਗਿਆ ਤਾਂ ਫਿਰ ਸਿਧਾਰਥ ਮਲਹੋਤਰਾ ਦੇ ਅਗਾਂਹ ਵਧਣ ਦੀ ਸੰਭਾਵਨਾ ਹੋਵੇਗੀ।

ਇਕ ਲੱਖ ਤੋਂ ਵੱਧ ਭਾਰਤੀਆਂ ਨੇ ਕਰਵਾਈ ਮੰਗਲ ਗ੍ਰਹਿ ‘ਤੇ ਜਾਣ ਦੀ ਬੁਕਿੰਗ

ਨਵੀਂ ਦਿੱਲੀ -ਮੰਗਲ ਗ੍ਰਹਿ ‘ਤੇ ਜੀਵਨ ਹੈ ਜਾਂ ਨਹੀਂ ਇਸ ਤਰ੍ਹਾਂ ਦੀਆਂ ਖ਼ਬਰਾਂ ਲਗਾਤਾਰ ਮਿਲਦੀਆਂ ਰਹੀਆਂ ਹਨ, ਪਰ ਮੰਗਲ ਗ੍ਰਹਿ ‘ਤੇ ਜਾਣ ਲਈ 1 ਲੱਖ ਲੋਕ ਤਿਆਰ ਹੋ ਚੁੱਕੇ ਹਨ | ਹਾਲਾਂਕਿ ਸਚਾਈ ਇਹੀ ਹੈ ਕਿ ਮੰਗਲ ਗ੍ਰਹਿ ‘ਤੇ ਜਾਣ ਲਈ ਦੁਨੀਆ ਭਰ ਦੇ ਲੋਕ ਉਤਸ਼ਾਹਿਤ ਹਨ | ਉੱਧਰ ਭਾਰਤੀਆਂ ਨੇ ਇਸ ਲਈ ਬੁਕਿੰਗ ਕਰਵਾ ਲਈ ਹੈ | ਸਾਲ 2018 ‘ਚ ਮੰਗਲ ਗ੍ਰਹਿ ‘ਤੇ ਜਾਣ ਲਈ ਉਡਾਣ ਭੇਜੀ ਜਾਵੇਗੀ | ਸਫ਼ਰ ਲਈ ਆਮ ਜਨਤਾ ਨੂੰ ਸੱਦਾ ਭੇਜਿਆ ਗਿਆ ਹੈ | ਮੰਗਲ ਗ੍ਰਹਿ ‘ਤੇ ਜਾਣ ਲਈ 1 ਲੱਖ 38 ਹਜ਼ਾਰ 899 ਭਾਰਤੀਆਂ ਨੇ ਮੰਗਲ ਗ੍ਰਹਿ ਜਾਣ ਦੀਆਂ ਟਿਕਟਾਂ ਬੁੱਕ ਕਰਵਾਈਆਂ ਹਨ | ਇਨ੍ਹਾਂ ਸਾਰਿਆਂ ਲੋਕਾਂ ਨੇ ਨਾਸਾ ਦੇ ‘ਇਨਸਾਈਟ ਮਿਸ਼ਨ’ ਤਹਿਤ ਆਪਣਾ ਰਜਿਸਟ੍ਰੇਸ਼ਨ ਕਰਵਾਇਆ ਹੈ | ਇਹ ਮਿਸ਼ਨ 5 ਮਈ, 2018 ਨੂੰ ਸ਼ੁਰੂ ਹੋਵੇਗਾ | ਜਿਨ੍ਹਾਂ ਲੋਕਾਂ ਨੇ ਬੁਕਿੰਗ ਕਰਵਾਈ ਹੈ ਨਾਸਾ ਵਲੋਂ ਉਨ੍ਹਾਂ ਨੂੰ ਆਨਲਾਈਨ ਬੋਰਡਿੰਗ ਪਾਸ ਦਿੱਤਾ ਜਾਵੇਗਾ |

ਧਰਤੀ 600 ਸਾਲਾਂ ‘ਚ ਅੱਗ ਦਾ ਗੋਲਾ ਬਣ ਜਾਵੇਗੀ-ਹਾਕਿੰਗ

ਧਰਤੀ 600 ਸਾਲਾਂ ‘ਚ ਅੱਗ ਦਾ ਗੋਲਾ ਬਣ ਜਾਵੇਗੀ-ਹਾਕਿੰਗ

ਵਾਸ਼ਿੰਗਟਨ, ਅਮਰੀਕਾ ਨੇ ਭਾਰਤ ਅਤੇ ਸ੍ਰੀਲੰਕਾ ’ਚ ਧਾਰਮਿਕ ਆਜ਼ਾਦੀ ਨੂੰ ਉਤਸ਼ਾਹਿਤ ਕਰਨ ਵਾਲੀਆਂ ਜਥੇਬੰਦੀਆਂ ਨੂੰ ਕਰੀਬ 5 ਲੱਖ ਡਾਲਰ ਦੀ ਗਰਾਂਟ ਦੇਣ ਦਾ ਐਲਾਨ ਕੀਤਾ ਹੈ। ਵਿਦੇਸ਼, ਜਮਹੂਰੀਅਤ ਦੇ ਬਿਉਰੋ, ਮਨੁੱਖੀ ਹੱਕਾਂ ਅਤੇ ਮਜ਼ਦੂਰ ਵਿਭਾਗ ਵੱਲੋਂ ਆਪਣੇ ਬਿਆਨ ’ਚ ਕਿਹਾ ਗਿਆ ਹੈ ਕਿ ਉਹ 493,827 ਡਾਲਰ ਪ੍ਰੋਗਰਾਮ ਰਾਹੀਂ ਭਾਰਤ ’ਚ ਧਰਮ ਆਧਾਰਿਤ ਹਿੰਸਾ ਅਤੇ ਵਿਤਕਰੇ ਨੂੰ ਘਟਾਉਣਾ ਚਾਹੁੰਦਾ ਹੈ। ਸ੍ਰੀਲੰਕਾ ’ਚ ਧਾਰਮਿਕ ਆਜ਼ਾਦੀ ਦੀ ਰਾਖੀ ਕਰਨ ਵਾਲੀਆਂ ਨੀਤੀਆਂ ਅਤੇ ਕੌਮੀ ਕਾਨੂੰਨਾਂ ਨੂੰ ਢੁਕਵੇਂ ਢੰਗ ਨਾਲ ਲਾਗੂ ਕਰਾਉਣ ਦੇ ਉਹ ਪੱਖ ’ਚ ਹਨ। ਭਾਰਤ ਲਈ ਵਿਦੇਸ਼ ਵਿਭਾਗ ਚਾਹੁੰਦਾ ਹੈ ਕਿ ਜਥੇਬੰਦੀਆਂ ਵੱਡੇ ਪੱਧਰ ’ਤੇ ਹਿੰਸਾ ਨੂੰ ਰੋਕਣ ਅਤੇ ਅਗਾਊਂ ਚਿਤਾਵਨੀਆਂ ਸਬੰਧੀ ਆਪਣੀਆਂ ਤਜਵੀਜ਼ਾਂ ਪੇਸ਼ ਕਰਨ। ਅਰਜ਼ੀਕਾਰਾਂ ਨੂੰ ਵਿਤਕਰੇ ਭਰੇ ਸੁਨੇਹਿਆਂ ਦਾ ਹਰ ਤਰ੍ਹਾਂ ਦੇ ਮੀਡੀਆ ’ਚ ਹਾਂ-ਪੱਖੀ ਸੁਨੇਹਿਆਂ ਨਾਲ ਸਫ਼ਲਤਾਪੂਰਬਕ ਟਾਕਰਾ ਕਰਨਾ ਪਏਗਾ। ਅਰਜ਼ੀਕਾਰ ਵਿਚਾਰ ਵੀ ਸਾਂਝੇ ਕਰਨ ਜਿਸ ਨਾਲ ਆਮ ਲੋਕਾਂ ਅਤੇ ਪੱਤਰਕਾਰਾਂ ਨੂੰ ਧਾਰਮਿਕ ਆਜ਼ਾਦੀ ਦੀ ਕਾਨੂੰਨੀ ਰਾਖੀ ਲਈ ਸਿਖਾਇਆ ਜਾ ਸਕੇ।

ਅਮਰੀਕਾ ਵੱਲੋਂ ਭਾਰਤ ਅਤੇ ਸ੍ਰੀਲੰਕਾ ’ਚ ਧਾਰਮਿਕ ਆਜ਼ਾਦੀ ਲਈ 5 ਲੱਖ ਡਾਲਰ ਮਨਜ਼ੂਰ

ਵਾਸ਼ਿੰਗਟਨ, –ਅਮਰੀਕਾ ਨੇ ਭਾਰਤ ਅਤੇ ਸ੍ਰੀਲੰਕਾ ’ਚ ਧਾਰਮਿਕ ਆਜ਼ਾਦੀ ਨੂੰ ਉਤਸ਼ਾਹਿਤ ਕਰਨ ਵਾਲੀਆਂ ਜਥੇਬੰਦੀਆਂ ਨੂੰ ਕਰੀਬ 5 ਲੱਖ ਡਾਲਰ ਦੀ ਗਰਾਂਟ ਦੇਣ ਦਾ ਐਲਾਨ ਕੀਤਾ ਹੈ। ਵਿਦੇਸ਼, ਜਮਹੂਰੀਅਤ ਦੇ ਬਿਉਰੋ, ਮਨੁੱਖੀ ਹੱਕਾਂ ਅਤੇ ਮਜ਼ਦੂਰ ਵਿਭਾਗ ਵੱਲੋਂ ਆਪਣੇ ਬਿਆਨ ’ਚ ਕਿਹਾ ਗਿਆ ਹੈ ਕਿ ਉਹ 493,827 ਡਾਲਰ ਪ੍ਰੋਗਰਾਮ ਰਾਹੀਂ ਭਾਰਤ ’ਚ ਧਰਮ ਆਧਾਰਿਤ ਹਿੰਸਾ ਅਤੇ ਵਿਤਕਰੇ ਨੂੰ ਘਟਾਉਣਾ ਚਾਹੁੰਦਾ ਹੈ। ਸ੍ਰੀਲੰਕਾ ’ਚ ਧਾਰਮਿਕ ਆਜ਼ਾਦੀ ਦੀ ਰਾਖੀ ਕਰਨ ਵਾਲੀਆਂ ਨੀਤੀਆਂ ਅਤੇ ਕੌਮੀ ਕਾਨੂੰਨਾਂ ਨੂੰ ਢੁਕਵੇਂ ਢੰਗ ਨਾਲ ਲਾਗੂ ਕਰਾਉਣ ਦੇ ਉਹ ਪੱਖ ’ਚ ਹਨ। ਭਾਰਤ ਲਈ ਵਿਦੇਸ਼ ਵਿਭਾਗ ਚਾਹੁੰਦਾ ਹੈ ਕਿ ਜਥੇਬੰਦੀਆਂ ਵੱਡੇ ਪੱਧਰ ’ਤੇ ਹਿੰਸਾ ਨੂੰ ਰੋਕਣ ਅਤੇ ਅਗਾਊਂ ਚਿਤਾਵਨੀਆਂ ਸਬੰਧੀ ਆਪਣੀਆਂ ਤਜਵੀਜ਼ਾਂ ਪੇਸ਼ ਕਰਨ। ਅਰਜ਼ੀਕਾਰਾਂ ਨੂੰ ਵਿਤਕਰੇ ਭਰੇ ਸੁਨੇਹਿਆਂ ਦਾ ਹਰ ਤਰ੍ਹਾਂ ਦੇ ਮੀਡੀਆ ’ਚ ਹਾਂ-ਪੱਖੀ ਸੁਨੇਹਿਆਂ ਨਾਲ ਸਫ਼ਲਤਾਪੂਰਬਕ ਟਾਕਰਾ ਕਰਨਾ ਪਏਗਾ। ਅਰਜ਼ੀਕਾਰ ਵਿਚਾਰ ਵੀ ਸਾਂਝੇ ਕਰਨ ਜਿਸ ਨਾਲ ਆਮ ਲੋਕਾਂ ਅਤੇ ਪੱਤਰਕਾਰਾਂ ਨੂੰ ਧਾਰਮਿਕ ਆਜ਼ਾਦੀ ਦੀ ਕਾਨੂੰਨੀ ਰਾਖੀ ਲਈ ਸਿਖਾਇਆ ਜਾ ਸਕੇ।

ਅਮਰੀਕਾ-ਚੀਨ ਇਕੱਠਿਆਂ ਸੁਲਝਾ ਸਕਦੇ ਨੇ ਆਲਮੀ ਮੁਸ਼ਕਲਾਂ: ਟਰੰਪ

ਅਮਰੀਕਾ-ਚੀਨ ਇਕੱਠਿਆਂ ਸੁਲਝਾ ਸਕਦੇ ਨੇ ਆਲਮੀ ਮੁਸ਼ਕਲਾਂ: ਟਰੰਪਪੇਈਚਿੰਗ, ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਉੱਤਰੀ ਕੋਰੀਆ ਦੇ ਪਰਮਾਣੂ ਮਸਲੇ ਨਾਲ ਨਜਿੱਠਣ ਲਈ ਚੀਨ ਦੇ ਸਹਿਯੋਗ ਦੀ ਮੰਗ ਕਰਦਿਆਂ ਕਿਹਾ ਕਿ ਅਮਰੀਕਾ ਅਤੇ ਚੀਨ ਇਕੱਠਿਆਂ ਗੰਭੀਰ ਆਲਮੀ ਮੁਸ਼ਕਲਾਂ ਨੂੰ ਹੱਲ ਕਰ ਸਕਦੇ ਹਨ। ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨਾਲ ਦੁਵੱਲੇ ਸਬੰਧਾਂ ਨੂੰ ਹੁਲਾਰਾ ਦੇਣ ਲਈ ਅੱਜ ਇਥੇ ਹੋਈ ਬੈਠਕ ਤੋਂ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਦਾ ਚੀਨੀ ਰਾਜਧਾਨੀ ’ਚ ਸ਼ਾਹੀ ਅੰਦਾਜ਼ ’ਚ ਸਵਾਗਤ ਕੀਤਾ ਗਿਆ। ਟਰੰਪ ਨੇ ਨਿੱਘੇ ਸਵਾਗਤ ਦਾ ਧੰਨਵਾਦ ਕਰਦਿਆਂ ਆਲਮੀ ਸਮੱਸਿਆਵਾਂ ਦੇ ਟਾਕਰੇ ਲਈ ਜਿਨਪਿੰਗ ਨੂੰ ਇਕ ਮੰਚ ’ਤੇ ਆਉਣ ਦਾ ਸੱਦਾ ਦਿੱਤਾ। ਏਸ਼ੀਆ ਦੇ ਪੰਜ ਮੁਲਕਾਂ ਦੇ ਦੌਰੇ ’ਤੇ ਨਿਕਲੇ ਟਰੰਪ ਜਦੋਂ ਚੀਨ ਪਹੁੰਚੇ ਤਾਂ ਉਨ੍ਹਾਂ ਨੂੰ ਗ੍ਰੇਟ ਹਾਲ ਆਫ਼ ਪੀਪਲ ’ਚ 21 ਬੰਦੂਕਾਂ ਦੀ ਸਲਾਮੀ ਦਿੱਤੀ ਗਈ। Continue reading “ਅਮਰੀਕਾ-ਚੀਨ ਇਕੱਠਿਆਂ ਸੁਲਝਾ ਸਕਦੇ ਨੇ ਆਲਮੀ ਮੁਸ਼ਕਲਾਂ: ਟਰੰਪ”

ਬੌਲੀਵੁੱਡ ਦਾ ਯੁੱਗਪੁਰਸ਼ ਪ੍ਰਿਥਵੀ ਰਾਜ ਕਪੂਰ

ਲੰਬਾ ਸਮਾਂ ਆਪਣੇ ਅਭਿਨੈ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਵਾਲੇ ਅਭਿਨੇਤਾ ਪ੍ਰਿਥਵੀ ਰਾਜ ਕਪੂਰ ਦੀ ਬੌਲੀਵੁੱਡ ਨੂੰ ਬਹੁਤ ਵੱਡੀ ਦੇਣ ਹੈ। ਉਨ੍ਹਾਂ ਨੂੰ ਦਮਦਾਰ ਅਭਿਨੈ ਲਈ ਹਮੇਸ਼ਾਂ ਯਾਦ ਕੀਤਾ ਜਾਂਦਾ ਹੈ। ਹੁਣ ਉਹ ਆਪਣੀਆਂ ਅਗਲੀਆਂ ਪੀੜ੍ਹੀਆਂ ਰਾਹੀਂ ਬੌਲੀਵੁੱਡ ਵਿੱਚ ਆਪਣਾ ਯੋਗਦਾਨ ਪਾ ਰਹੇ ਹਨ। ਉਹ ਅਜੋਕੇ ਸਮੇਂ ਬੌਲੀਵੁੱਡ ਵਿੱਚ ਰਾਜ ਕਰ ਰਹੀ ਕਪੂਰ ਖ਼ਾਨਦਾਨ ਦੀ ਚੌਥੀ ਪੀੜ੍ਹੀ ਦੇ ਕੁਲਪਿਤਾ ਹਨ। ਦਮਦਾਰ ਆਵਾਜ਼ ਦੇ ਧਨੀ ਪ੍ਰਿਥਵੀ ਰਾਜ ਕਪੂਰ ਦਾ ਜਨਮ 03.01.1906 ਨੂੰ ਸਮੁੰਦਰੀ ਵਿਖੇ ਹੋਇਆ ਜੋ ਇਸ ਸਮੇਂ ਪਾਕਿਸਤਾਨ ਦੇ ਫੈਸਲਾਬਾਦ (ਲਾਇਲਪੁਰ) ਦੇ ਨਜ਼ਦੀਕ ਹੈ। ਉਨ੍ਹਾਂ ਦੇ ਪਿਤਾ ਬਸ਼ੇਸਬਰ ਨਾਥ ਕਪੂਰ ਸਮੁੰਦਰੀ ਵਿਖੇ ਤਹਿਸੀਲਦਾਰ ਦੇ ਪਦ ’ਤੇ ਤਾਇਨਾਤ ਸਨ। ਉਨ੍ਹਾਂ ਦੇ ਸਕੇ ਭਰਾ ਤ੍ਰਿਲੋਕ ਕਪੂਰ ਵੀ ਫ਼ਿਲਮਾਂ ਵਿੱਚ ਕਾਫ਼ੀ ਸਰਗਰਮ ਰਹੇ। ਇਨ੍ਹਾਂ ਦਾ ਚਚੇਰਾ ਭਰਾ ਸੁਰਿੰਦਰ ਕਪੂਰ ਵੀ ਫ਼ਿਲਮ ਨਿਰਮਾਤਾ ਰਿਹਾ ਜੋ ਅਨਿਲ ਕਪੂਰ, ਬੋਨੀ ਕਪੂਰ ਅਤੇ ਸੰਜੇ ਕਪੂਰ ਦੇ ਪਿਤਾ ਸਨ। Continue reading “ਬੌਲੀਵੁੱਡ ਦਾ ਯੁੱਗਪੁਰਸ਼ ਪ੍ਰਿਥਵੀ ਰਾਜ ਕਪੂਰ”

ਇੱਕ ਹੋਰ ਸਿੱਖ ਦੀ ਬਹਾਦਰੀ ’ਤੇ ਬਣੇਗੀ ਫ਼ਿਲਮ

ਬੌਲੀਵੁੱਡ ਬੀਤੇ ਸਮੇਂ ਵਿੱਚ ਸਿੱਖ ਸ਼ਖ਼ਸੀਅਤਾਂ ’ਤੇ ਆਧਾਰਿਤ ਫ਼ਿਲਮਾਂ ਬਣਾ ਕੇ ਚਰਚਾ ਵਿੱਚ ਰਿਹਾ ਹੈ। ਸਨੀ ਦਿਓਲ ਵੱਲੋਂ ‘ਬਾਰਡਰ’ ਫ਼ਿਲਮ ਵਿੱਚ ਨਿਭਾਏ ਮੇਜਰ ਕੁਲਦੀਪ ਸਿੰਘ ਚਾਂਦਪੁਰੀ ਦੇ ਕਿਰਦਾਰ ਅਤੇ ਉਸਦੀ ਬਹਾਦਰੀ ਦੀ ਗਾਥਾ ਪੁਰੀ ਦੁਨੀਆਂ ਨੇ ਦੇਖੀ ਹੈ ਜਿਸਨੇ 1971 ਦੀ ਭਾਰਤ-ਪਾਕਿਸਤਾਨ ਜੰਗ ਦੌਰਾਨ ਆਪਣੇ ਮੁੱਠੀ ਭਰ ਫ਼ੌਜੀਆਂ ਨਾਲ ਰਾਜਸਥਾਨ ਦੀ ਲੌਂਗੇਵਾਲਾ ਪੋਸਟ ’ਤੇ ਟੈਂਕਾਂ ਨਾਲ ਹੱਲਾ ਬੋਲਣ ਵਾਲੀ ਪਾਕਿ ਫ਼ੌਜ ਦੇ ਦੰਦ ਖੱਟੇ ਕੀਤੇ ਸਨ। ਇਸ ਤੋਂ ਬਾਅਦ ਉਡਣਾ ਸਿੱਖ ਦਾ ਖਿਤਾਬ ਪਾਉਣ ਵਾਲੇ ਐਥਲੀਟ ਮਿਲਖਾ ਸਿੰਘ ਦੇ ਜੀਵਨ ’ਤੇ ਬਣੀ ਫਿਲਮ ‘ਭਾਗ ਮਿਲਖਾ ਭਾਗ’ ਨੇ ਵੀ ਦਰਸ਼ਕਾਂ ਦੇ ਮਨਾਂ ’ਤੇ ਆਪਣੀ ਛਾਪ ਛੱਡੀ ਹੈ। ਹੁਣ ਫਿਰ ਅਸਲੀ ਜ਼ਿੰਦਗੀ ਦੇ ਨਾਇਕ ਇੱਕ ਹੋਰ ਸਿੱਖ ਇੰਜਨੀਅਰ ਜਸਵੰਤ ਸਿੰਘ ਗਿੱਲ ਦੀ ਜੀਵਨੀ ’ਤੇ ਫ਼ਿਲਮ ਬਣਨ ਜਾ ਰਹੀ ਹੈ ਜਿਸਨੇ ਬੰਗਾਲ ਦੀ ਰਾਣੀਗੰਜ ਖਾਣ ਵਿੱਚ ਫਸੇ 65 ਮਜ਼ਦੂਰਾਂ ਨੂੰ ਆਪਣੀ ਜਾਨ ਖ਼ਤਰੇ ਵਿੱਚ ਪਾ ਕੇ ਬਚਾਇਆ ਸੀ। Continue reading “ਇੱਕ ਹੋਰ ਸਿੱਖ ਦੀ ਬਹਾਦਰੀ ’ਤੇ ਬਣੇਗੀ ਫ਼ਿਲਮ”

ਯੂਕੇ ’ਚ ਸਿੱਖ ਪੋਸਟਮਾਸਟਰ ’ਤੇ ਚਾਕੂ ਨਾਲ ਹਮਲਾ; ਦਸਤਾਰ ਲਾਹੀ

ਹਮਲਾਵਰ ਦੀ ਸ਼ਨਾਖ਼ਤ ਲਈ ਪੁਲੀਸ ਵੱਲੋਂ ਸੀਸੀਟੀਵੀ ਫੁਟੇਜ ਜਾਰੀ

ਤਰਸੇਮ ਠੇਠੀ

ਤਰਸੇਮ ਠੇਠੀ

ਲੰਡਨ-ਯੂਕੇ ਵਿੱਚ ਇਕ ਲੁਟੇਰੇ ਨੇ 67 ਸਾਲਾ ਸਿੱਖ ਪੋਸਟਮਾਸਟਰ ਦੀ ਧੌਣ ਤੇ ਸਿਰ ’ਤੇ ਚਾਕੂ ਨਾਲ ਵਾਰ ਕੀਤੇ ਅਤੇ ਖਿੱਚ ਕੇ ਉਸ ਦੀ ਦਸਤਾਰ ਲਾਹ ਦਿੱਤੀ। ਬਰਮਿੰਘਮ ਦੇ ਇਰਡਿੰਗਟਨ ਸਥਿਤ ਪੋਸਟ ਆਫਿਸ ’ਚ ਹੋਏ ਹਮਲੇ ਦਾ ਤਰਸੇਮ ਠੇਠੀ  ਦੀ ਗਰਦਨ ਉਤੇ ਹਾਲੇ ਵੀ ਨਿਸ਼ਾਨ ਹੈ। ਉਸ ਦੀ ਪਤਨੀ ਕੁਲਵੰਤ ਨੇ ਦੱਸਿਆ ਕਿ ਉਹ ‘ਹੁਣ ਪਹਿਲਾਂ ਵਰਗਾ ਇਨਸਾਨ ਨਹੀਂ ਹੈ’। ਇਹ ਵਾਰਦਾਤ ਮਾਰਚ ਵਿੱਚ ਹੋਈ ਸੀ ਪਰ ਪੁਲੀਸ ਵੱਲੋਂ ਇਸ ਦੀ ਸੀਸੀਟੀਵੀ ਫੁਟੇਜ ਹੁਣ ਜਾਰੀ ਕੀਤੀ ਗਈ ਹੈ, ਜਿਸ ਵਿੱਚ ਇਕ ਗੋਰਾ ਤਰਸੇਮ ਉਤੇ ਛੇ ਇੰਚ ਲੰਬੇ ਚਾਕੂ ਨਾਲ ਹਮਲਾ ਕਰਦਾ ਦਿਖਾਈ ਦੇ ਰਿਹਾ ਹੈ।  ਮੈਟਰੋ.ਕੋ.ਯੂਕੇ ਨੇ ਤਰਸੇਮ ਦੇ ਹਵਾਲੇ ਨਾਲ ਦੱਸਿਆ, ‘ਆਮ ਤੌਰ ’ਤੇ ਜਦੋਂ ਕੋਈ ਅੰਦਰ ਆਉਂਦਾ ਹੈ ਤਾਂ ਮੈਂ ਉਸ ਨੂੰ ‘ਸ਼ੁਭ ਸਵੇਰ’ ਜਾਂ ਇਸ ਤਰ੍ਹਾਂ ਦਾ ਕੁੱਝ ਕਹਿੰਦਾ ਹਾਂ ਪਰ ਇਸ ਤੋਂ ਪਹਿਲਾਂ ਕਿ ਮੈਂ ਕੁੱਝ ਬੋਲ ਸਕਦਾ ਉਸ ਨੇ ਮੇਰੀ ਧੌਣ ’ਚ ਚਾਕੂ ਮਾਰਿਆ। ਇਹ ਕੇਵਲ ਛੋਟਾ ਤਕਰੀਬਨ 2 ਸੈ.ਮੀ. ਡੂੰਘਾ ਜ਼ਖ਼ਮ ਸੀ ਪਰ ਜਿਵੇਂ ਤੁਸੀਂ ਸੋਚ ਸਕਦੇ ਹੋਂ ਇਹ ਬਹੁਤ ਦਰਦਨਾਕ ਸੀ। ਉਹ ਚੀਕ ਰਿਹਾ ਸੀ ‘ਮੈਨੂੰ ਪੈਸੇ ਦਿਓ, ਮੈਨੂੰ ਚਾਬੀਆਂ ਦਿਓ’। ਉਹ ਬੰਦਾ ਪਾਗਲ ਸੀ। ਉਹ ਮੈਨੂੰ ਧੱਕੀ ਫਿਰ ਰਿਹਾ ਸੀ ਤੇ ਚਾਕੂ ਨਾਲ ਵਾਰ ਕਰ ਰਿਹਾ ਸੀ।’ 17 ਮਾਰਚ ਨੂੰ ਹੋਈ ਇਸ ਵਾਰਦਾਤ ਦੀ ਵੀਡੀਓ ਵਿੱਚ ਹਮਲਾਵਰ ਵੱਲੋਂ ਤਰਸੇਮ ਦੀ ਦਸਤਾਰ ਲਾਹੇ ਜਾਣ ਬਾਅਦ ਉਹ ਗੁੱਥਮ-ਗੁੱਥਾ ਹੁੰਦੇ ਦਿਖਾਈ ਦਿੰਦੇ ਹਨ। ਇਸ ਦੌਰਾਨ ਦੂਜੇ ਕਮਰੇ ਵਿੱਚੋਂ ਤਰਸੇਮ ਦੀ ਪਤਨੀ ਅਲਾਰਮ ਵਜਾ ਦਿੰਦੀ ਹੈ ਇਸ ਬਾਅਦ ਉਹ ਬਾਹਰ ਦੌੜ ਜਾਂਦਾ ਹੈ।  ਤਰਸੇਮ ਨੇ ਦੱਸਿਆ, ‘ਉਹ ਵਾਰ ਵਾਰ ਕਹਿ ਰਿਹਾ ਸੀ ਕਿ ਉਹ ਮੈਨੂੰ ਮਾਰ ਦੇਵੇਗਾ ਪਰ ਮੈਨੂੰ ਪੂਰਾ ਵਿਸ਼ਵਾਸ ਸੀ ਕਿ ਕੁੱਝ ਨਹੀਂ ਹੋਵੇਗਾ। ਹੁਣ ਜਦੋਂ ਮੈਂ ਸੋਚਦਾ ਹਾਂ ਤਾਂ ਮੈਨੂੰ ਪੂਰਾ ਯਕੀਨ ਨਹੀਂ ਕਿ ਉਸ ਨੂੰ ਪੈਸੇ ਦੀ ਪ੍ਰਵਾਹ ਸੀ। ਮੈਨੂੰ ਲੱਗਦਾ ਹੈ ਕਿ ਉਹ ਮਹਿਜ਼ ਕਿਸੇ ਨੂੰ ਮਾਰਨਾ ਚਾਹੁੰਦਾ ਸੀ। ਉਸ ਦਿਨ ਬਾਅਦ ਰੋਜ਼ਾਨਾ ਮੈਂ ਇਥੇ ਕੰਮ ਕਰਨ ਤੋਂ ਡਰਦਾ ਹਾਂ।’ ਵੈਸਟ ਮਿਡਲੈਂਡਜ਼ ਪੁਲੀਸ ਦੇ ਕਾਂਸਟੇਬਲ ਐਲਨ ਰੀਵਜ਼ ਨੇ ਕਿਹਾ, ‘ਇਹ ਵਿਅਕਤੀ ਲੋਕਾਂ ਲਈ ਖ਼ਤਰਾ ਹੈ ਅਤੇ ਇਸ ਨੂੰ ਕਾਬੂ ਕਰਨ ਦੀ ਲੋੜ ਹੈ। ਅਸੀਂ ਉਸ ਦੀ ਸ਼ਨਾਖ਼ਤ ਕਰਨਾ ਚਾਹੁੰਦੇ ਹਾਂ ਤਾਂ ਜੋ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਸਕੇ।’

ਸਿੱਖ ਨੌਜਵਾਨ ’ਤੇ ਹਮਲੇ ਦੀ ਜਾਂਚ ’ਚ ਐਫਬੀਆਈ ਸ਼ਾਮਲ

ਅਮਰੀਕਾ ਵੱਲੋਂ ਨਫ਼ਰਤੀ ਅਪਰਾਧ ਪੀੜਤ ਭਾਰਤੀਆਂ ਨੂੰ ਜਲਦੀ ਇਨਸਾਫ਼ ਦੇਣ ਦਾ ਭਰੋਸਾ

ਅਮਰੀਕਾ ਦੇ ਕੈਨਸਾਸ ਸ਼ਹਿਰ ਵਿੱਚ ਐਤਵਾਰ ਨੂੰ ਪਰਵਾਸੀ ਭਾਰਤੀ ਵਿਗਿਆਨੀ ਸ੍ਰੀਨਿਵਾਸ ਕੁਚੀਭੋਤਲਾ ਨਮਿਤ ਹੋਈ ਸ਼ੋਕ ਸਭਾ ਦੀ ਝਲਕ। ਫੋਟੋ: ਏਐਫਪੀ

ਅਮਰੀਕਾ ਦੇ ਕੈਨਸਾਸ ਸ਼ਹਿਰ ਵਿੱਚ ਐਤਵਾਰ ਨੂੰ ਪਰਵਾਸੀ ਭਾਰਤੀ ਵਿਗਿਆਨੀ ਸ੍ਰੀਨਿਵਾਸ ਕੁਚੀਭੋਤਲਾ ਨਮਿਤ ਹੋਈ ਸ਼ੋਕ ਸਭਾ ਦੀ ਝਲਕ। ਫੋਟੋ: ਏਐਫਪੀ

ਵਾਸ਼ਿੰਗਟਨ- ਇਥੇ ਕੈਂਟ ’ਚ ਘਰ ਬਾਹਰ ਭਾਰਤੀ ਮੂਲ ਦੇ ਸਿੱਖ ਨੌਜਵਾਨ ਦੀਪ ਰਾਏ ਨੂੰ ਗੋਲੀ ਮਾਰੇ ਜਾਣ ਦੀ ਜਾਂਚ ਐਫਬੀਆਈ ਵੱਲੋਂ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਸ਼ੱਕੀ ਨਫ਼ਰਤੀ ਅਪਰਾਧ ਦੇ ਮੁਲਜ਼ਮ ਨੇ ਹਮਲੇ ਸਮੇਂ ਕਿਹਾ ਸੀ, ‘ਆਪਣੇ ਵਤਨ ਪਰਤ ਜਾਓ।’ ਫੈਡਰਲ ਬਿਊਰੋ ਆਫ ਇਨਵੈਸਟੀਗੇਸ਼ਨ (ਐਫਬੀਆਈ) ਵੱਲੋਂ ਇਸ ਘਟਨਾ ਦੀ ਨਫ਼ਰਤੀ-ਮੰਤਵ ਵਾਲੇ ਅਪਰਾਧ ਵਜੋਂ ਪੜਤਾਲ ਕੀਤੀ ਜਾ ਰਹੀ ਹੈ।
ਐਫਬੀਆਈ ਸਿਆਟਲ ਦੇ ਤਰਜਮਾਨ ਆਈਨ ਡਾਈਟ੍ਰਿਚ ਨੇ ਦੱਸਿਆ, ‘ਸਿਆਟਲ ਐਫਬੀਆਈ ਵੱਲੋਂ ਗੋਲੀਬਾਰੀ ਦੀ ਘਟਨਾ ਦੀ ਸਾਂਝੀ ਪੜਤਾਲ ਵਿੱਚ ਕੈਂਟ ਪੁਲੀਸ ਵਿਭਾਗ ਦੀ ਮਦਦ ਕੀਤੀ ਜਾ ਰਹੀ ਹੈ। ਨਫ਼ਰਤੀ-ਉਦੇਸ਼ ਵਾਲੇ ਅਪਰਾਧਾਂ ਦੀ ਪੜਤਾਲ ਲਈ ਐਫਬੀਆਈ ਪ੍ਰਤੀਬੱਧ ਹੈ ਅਤੇ ਅਸੀਂ ਸਿਆਟਲ ਇਲਾਕੇ ਵਿੱਚ ਆਪਣੇ ਭਾਈਚਾਰੇ ਦੇ ਸਾਰੇ ਭਾਈਵਾਲਾਂ ਨਾਲ ਕੰਮ ਜਾਰੀ ਰੱਖਾਂਗੇ।’ Continue reading “ਸਿੱਖ ਨੌਜਵਾਨ ’ਤੇ ਹਮਲੇ ਦੀ ਜਾਂਚ ’ਚ ਐਫਬੀਆਈ ਸ਼ਾਮਲ”

rbanner1

Share